TOShKENT, 4-avgust — Sputnik. O‘zbekiston Tashqi ishlar vazirlik axborot-xizmati kuni kecha Qirg‘iziston Issiqko‘l viloyatining Qizil O‘ruk qishlog‘ida sodir bo‘lgan YTH oqibatida jarohatlangan O‘zbekiston fuqarolarining ro‘yxatini e’lon qildi.
TIVning xabariga ko‘ra, YTH oqibatida quyidagi O‘zbekiston fuqarolari jarohat olgan:
1. Orlova Yelena Aleksandrovna, 1976-yilda tug‘ilgan;
2. Orlov Igor, 2006-yilda tug‘ilgan;
3. Orlova Veronika, 2006-yilda tug‘ilgan;
4. Li Yana Andreyevna, 2004-yilda tug‘ilgan;
5. Xan Janna Mixaylovna, 1969-yilda tug‘ilgan;
6. Obedkova Lyudmila Aleksandrovna, 1952-yilda tug‘ilgan.
Jarohatlanganlarga zarur yordam ko‘rsatish uchun Elchixonaning konsullik bo‘limi vakili mazkur viloyatga yetib bordi.
Eslatib o‘tamiz, ilgariroq yo‘l-transport hodisasi Qizil-O‘ruk qishlog‘ida yuz berganligi haqida xabar bergan edik. "Folksvagen LT-35" mikroavtobusi va "Mazda Primasi" yengil avtomobili bir-biri bilan to‘qnashib ketgan. Mikroavtobusda O‘zbekiston fuqarolari bo‘lib, ular Cho‘lpon-Ota shahridagi kasalxonaga joylashtirilgan.
