TOShKENT, 28 sen — Sputnik. Xalqaro jinoyat politsiyasi tashkiloti Bosh kotibiyati tashabbusi va Shveysariyaning "SICPA" kompaniyasi bilan hamkorlikda, Toshkentda uch kunlik "Hujjatlar xavfsizligini baholash"ga bag‘ishlangan trening boshlandi.
Mazkur trening a’zo mamlakatlarning ushbu yo‘nalishdagi faoliyatida huquqiy yordam sifatida, tezkor qo‘llash va ma’lumotlar texnik bazasidan foydalanishda hamkorlik, qalbaki valyuta va hujjatlarni aniqlash yuzasidan tashkil etildi.
Mazkur treningda O‘zbekiston, Tojikiston, Ozarbayjon huquqni muhofaza qiluvchi idoralari xodimlari ishtirok etmoqdalar.
O‘quv trening 12 ta o‘quv modulini va 3 ta amaliy mashg‘ulotni o‘z ichiga olgan bo‘lib, bunga yetakchi mutaxxasislar instruktor va ekspert sifatida jalb qilingan.
"Qalbaki hujjatlar davlat boshqaruvi apparatini bir maromda ishlashiga salbiy ta’sir ko‘rsatishi bilan bir qatorda, jamiyatga ijtimoiy va ma’naviy zarar ham yetkazadi. Bular yuridik hujjatlarda, kredit rasmiylashtirishda, bankdan mablag‘ olishda, mol-mulkka egalik qilishda, noqonuniy migratsiya va boshqa bir qator holatlarda o‘z aksini topadi. Shuning uchun yuqoridagi holatlarda firibgarlikni oldini olish uchun huquq tartibot tizimi zamonaviy, texnologik va qulay bo‘lishi lozim.
O‘zbekiston Respublikasi Ichki ishlar vazirligi keyinchalik ham ushbu yo‘nalishda faoliyat olib borayotgan mutaxassislarni tayyorlash va tajriba almashishga tayyorligini bildirdi", deyilgan O‘zbekiston IIV matbuot-xizmati xabarida.
