TOShKENT, 4 okt — Sputnik. "O‘zbekiston havo yo‘llari" milliy aviakompaniyasi Samarqand-Istanbul-Samarqand marshruti bo‘yicha reyslarni amalga oshirishni boshlaydi.
Reyslar 2017-yilning 30-oktabridan dushanba kunlari amalga oshiriladi.
Parvozlar jadvali quyidagicha:
HY 275 Samarqand-Istanbul: Samarqanddan parvoz vaqti 20:00, samolyot Istanbulga soat kechki 23:00da kelib qo‘nadi
HY 276 Istanbul-Samarqand: Istanbuldan parvoz vaqti 00:30 (+1), samolyot Samarqandga 06:45da kelib qo‘nadi
Eslatib o‘tamiz, ushbu reys ochilishi bo‘yicha joriy yil avgust oyida Toshkentda bo‘lib o‘tgan muzokaralar davomida kelishib olingan.
"O‘zbekiston havo yo‘llari" Milliy avia kompaniyasi avgust oyida parvozlar qish faslida haftasiga bir marta, yozda esa haftasiga ikki marta amalga oshirilishini ma’lum qilgan edi.
