TOShKENT, 28 noya — Sputnik. O‘zbekiston milliy uyali aloqa operatori UZMOBILE Xitoyning ZTE kompaniyasi bilan hamkorlikda Toshkentda beshinchi avlod uyali aloqa tarmog‘ini sinovdan o‘tkazdi, deb xabar qilmoqda kompaniya matbuot xizmati.
Sinov Telekommunikatsiyalar rivojlantirish markazidagi labaratoriyada bo‘lib o‘tdi. ZTE kompaniyasi taklif qilgan sinov, bir necha 256QAM texnologiyasi asosida 4 × 4 MIMO antennalari yordamida o‘tkazildi.
Bu O‘zbekistonda beshinchi avlod tarmoqlarida o‘tkazilgan birinchi sinov bo‘ldi. Sinovda axborot uzatish tezligi 1 Gbit/sek natija ko‘rsatdi. Bu beshinchi avlod (5G) tarmoq talablariga javob beradigan natijadir.
Shuni aytib o‘tish joizki, ayni damda dunyoda beshinchi avlod tarmoqlariga qo‘yiladigan aniq talablar yoki beshinchi avlod tarmog‘ining aniq ta’rifi mavjud emas. Shunga qaramasdan ZTE kompaniyasi dunyoning 20dan ortiq mamlakatlarida Pre5G, ya’ni -dastlabki beshinchi avlod tarmoqlarini o‘rnatgan. Ushbu uyali aloqa tarmoqlarida aloqa tezligi 4G tarmog‘idan ko‘ra o‘rtacha 5-6 baravar tez.
