Xanif Shadaminov: qanday qilib urushda xalqlar otasi Stalin bilan uchrashganim haqida

© SputnikIkkinchi jahon urushi qatnashchisi Xanif Shadaminov
Ikkinchi jahon urushi qatnashchisi Xanif Shadaminov - Sputnik O‘zbekiston
Obuna bo‘lish
"1945 yil edi. Stalin biz bilan suratga tushdi va men bu suratni saqlab qo‘ydim. Surat orqasiga - Berlinga safar, deb yozib qo‘yganman. Bu hayotimdagi eng katta voqealardan biri bo‘lgan. Axir Stalinni ko‘rish, qolaversa u bilan birga suratga tushish katta ish sanalardi", - deya hikoya qildi suhbatdosh

TOShKENT, 9-may — Sputnik. Bugun 93 yoshni qarshi olgan Ikkinchi jahon urushi qatnashchisi, toshkentlik Xanif Shadaminov og‘ir urush yillarini eslashni yoqtirmaydi.

O‘zbekiston prezidenti Shavkat Mirziyoyev - Sputnik O‘zbekiston
Mirziyoyev: Urush yillari bizning xalqimiz qanchalar buyuk qalbga ega ekanini ko‘rsatgan
Sputnik O‘zbekiston muxbiri bilan suhbatda, u frontga 1943-yilda ketgani va G‘alaba kuniga qadar kontrrazvedkada aloqachi bo‘lib xizmat qilgani haqida gapirdi. Veteran o‘z hikoyasi davomida, kamtarinlik bilan, hech qachon ilg‘or bo‘lmaganman, shu bois urush zahmatlarini boshdan kechirmaganman, deya ta’kidladi. Biroq Xanif aka dushman bilan yuzma-yuz jang qilgan askarlar qatorida bo‘lmagan esa-da, veteranning otasi Damin Shadaminov urushda mardlarcha halok bo‘lgan soldatlardan biri bo‘lgan.

"Urushning dastlabki kunlarida otam halok bo‘ldi. Komandiri otamni o‘rmonzorda katta qarag‘ay ostida dafn qilgan va qabr ustiga taxtachada "bu yerda jasur jangchi Damin Shadaminov dafn qilingan" deb yozib qoldirgan ekan. Sal keyin qoraxat olganmiz", — deya esga oldi Xanif Daminovich.

Veteranning so‘zlariga ko‘ra, vaqt o‘tib, tinchlik o‘rnatilgach, u Leningrad yaqinidagi ota qabrini ziyorat qilgan. Xanif Shadaminov suhbat davomida hayotida ro‘y bergan bir afsonaviy uchrashuvni hech qachon unutmasligini aytdi. Veteran Brestda kutilmaganda proletariylar yetakchisi Stalinni uchratib qolgan ekan.

Xalqlar otasi o‘sha vaqtda amerikaliklar bilan kelishuv imzolagani Berlin anjumaniga yo‘l olayotgan bo‘lgan.

Toshkentda “O‘lmas polk” tadbiri bo‘lib o‘tdi - Sputnik O‘zbekiston
Toshkentda "O‘lmas polk" tadbiri bo‘lib o‘tdi
"1945 yil edi. Stalin biz bilan suratga tushdi va men bu suratni saqlab qo‘ydim. Surat orqasiga — Berlinga safar, deb yozib qo‘yganman. Bu hayotimdagi eng katta voqealardan biri bo‘lgan. Axir Stalinni ko‘rish, qolaversa u bilan birga suratga tushish katta ish sanalardi", — deya hikoya qildi suhbatdosh.

Veteranning aytishicha, u O‘zbekistonga tinchlik zamonlarida kelib qolgan. Bu yerda uning akasi yashagan.

"Toshkentga kelgach, Hasanboy posolkasida g‘isht zavodini qurdim. Keyin boshqa obyektlarni, menga bu yer juda yoqadi va shu tariqa Toshkentda yashab qolganman. Urushda birga xizmat qilgan safdoshlarim ham shu yerga ko‘chib kelishgan edi, biz keng ko‘cha yoqalab xuddi bir oiladek yashaganmiz. Hozir ko‘pchiligi oramizda yo‘q", — dedi Xanif Daminovich.

Veteran o‘zining ko‘psonli ordenlari va ularni qaysi xizmatlari uchun olgani haqida gapirishni xohlamadi. Kamtarinlik bilan munosib pensiya olayotgani va ko‘rsatilayotgan hurmat va g‘amxo‘rlik uchun davlat rahbaridan minnatdorligini aytib o‘tdi.

© SputnikVeteran Velikoy Otechestvennoy voyni Xanif Shadaminov iz Tashkenta
Veteran Velikoy Otechestvennoy voyni Xanif Shadaminov iz Tashkenta - Sputnik O‘zbekiston
Veteran Velikoy Otechestvennoy voyni Xanif Shadaminov iz Tashkenta

"9 may bayramiga prezidentdan sovg‘a tariqasida ikki million so‘m oldim, juda minnatdorman. Yigirmadan ortiq nevara, evaralarim bor, ularga shirinlik olib berib siyladim. Menga mashina sovg‘a qilishga va’da berishgan edi, ammo men unamadim, endi keragi yo‘q, axir baribir haydolmayman. Shavkat Miromonovichga bunday g‘amxo‘rlik uchun minnatdorman", — deb ta’kidladi veteran.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0