Faol Toshkent: Mirziyoyev nega Markaziy Osiyo bo‘ylab safar qilmoqda

© Ofitsialnaya stranitsa prezidenta Tadjikistana v FacebookShavkat Mirziyoyev, Emomali Raxmon i Nursultan Nazarbayev na sammite v Er-Riyade
Shavkat Mirziyoyev, Emomali Raxmon i Nursultan Nazarbayev na sammite v Er-Riyade - Sputnik O‘zbekiston
Obuna bo‘lish
Shavkat Mirziyoyev Markaziy Osiyo davlatlari prezidentlari orasida eng faoli, Emomali Rahmon esa uchrashuvlarda deyarli qatnashmayapti - Sputnik O‘zbekiston muxbiri buning sabablariga oydinlik kiritishga urinib ko‘rdi

TOShKENT, 15 sen — Sputnik, Anton Kurilkin. Markaziy Osiyoda oliy darajadagi uchrashuvlar soni keskin oshdi — o‘tgan oylar davomida O‘zbekiston, Turkmaniston, Qirg‘iziston va Qozog‘iston prezidentlari xalqaro tashkilotlar maydonlarida hamda ikki tomonlama muzokaralar shaklida bir necha martalab uchrashdilar.

Munosabatlarning faollashuvi va bunday uchrashuvlarda Tojikiston rahbari Emomali Rahmon nima uchun deyarli qatnashmayotganligi Sputnik O‘zbekiston muxbiri tahlilida.

Diplomatiya muvaffaqiyatlari

O‘tgan yil davomida eng faol yetakchi Shavkat Mirziyoyev bo‘ldi — O‘zbekiston prezidenti Qozog‘iston va Turkmanistonga ikki martadan bordi, dam olish kunlari esa Toshkentda Nursulton Nazarboyev bilan, so‘ngra Ashxobodda Gurbanguli Berdimuhammedov bilan uchrashuvlar bo‘lib o‘tadi.

O‘zbekiston prezidenti Shavkat Miriziyoyev - Sputnik O‘zbekiston
Shavkat Mirziyoyev Qozog‘istonga jo‘nab ketdi

Oktabrda O‘zbekistonga Mirziyoyevning qirg‘izistonlik hamkasbi Almazbek Atambayev tashrif buyuradi. Bu prezidentlarning keyingi yil ichidagi uchinchi uchrashuvlari bo‘ladi.

Bu rahbarlar so‘nggi vaqtda xalqaro tadbirlar maydonlarida — Shanxay hamkorlik tashkiloti, IHT va MDH sammitlarida ham uchrashdilar.

Muhokamalarning asosiy mavzusi iqtisodiy va siyosiy hamkorlik hamda umumiy muammolarni hal qilish bo‘yicha rejalar tuzish — masalan, chegara punktlari faoliyati, savdo-sotiq tizimini soddalashtirish, qo‘shma loyihalarni amalga oshirishda hamkorlikni kuchaytirish kabilar bo‘ladi.

Shavkat Mirziyoyevning Qirg‘izistonga tashrifi davomida prezidentlar bir nechta investitsion shartnomalar: GES qurilishi va ikkita yo‘l — temir yo‘li va avtomobil yo‘li qurilishi bo‘yicha hujjatlar imzoladilar.

Prezident Uzbekistana Shavkat Mirziyoyev s suprugoy v aeroportu Manas - Sputnik O‘zbekiston
Shavkat Mirziyoyevning Qirg‘izistonga davlat tashrifi yakunlandi

Qozog‘istonga tashrif ham muvaffaqiyatli bo‘ldi: muzokaralar yakuniga ko‘ra qozoq-o‘zbek biznes forumlari turkumi boshlandi.

Ikki tomonlama muloqotlar mintaqa uchun g‘ayrioddiy shartnomaga olib keldi — harbiy texnika yetkazib berish. Qozog‘istonning Kazakhstan Paramount Engineering kompaniyasi 15-sentabr kuni O‘zbekistonga minaga qarshi himoyaga ega zirhlangan avtomobillar yetkazib berishini e’lon qildi.

Turkmanistonga tashriflar ham samarali yakunlandi: Mirziyoyevning ikki tashrifi natijalariga ko‘ra mamlakatlar hamkorlik borasida bir nechta shartnomalar imzoladi, alohida korxonalar esa transchegaraviy sheriklikni yo‘lga qo‘ydi.

Toshkent o‘rnak bo‘lmoqda

Keyingi bir yil davomida Markaziy Osiyodagi davlatlar munosabatlaridagi vaziyat keskin o‘zgarib ketdi va MDH mamlakatlari instituti Markaziy Osiyo bo‘limi mudiri Andrey Grozinning Sputnik Tojikistonga aytishicha, bunga Toshkentdagi rahbariyatning o‘zgarishi sabab bo‘lgan.

Uzbekistan i Turkmenistan soyedinyat novie mosti cherez Amudaryu - Sputnik O‘zbekiston
Ashxabodda o‘zbek-turkman chegarasi bo‘yicha muzokaralar bo‘lib o‘tdi

"Vaziyat sezilarli ravishda sog‘lomlashmoqda. Agar bugungi holat bilan bundan ikki yil avvalgi holatni solishtiradigan bo‘lsak, farq yer bilan osmoncha. Toshkentning qo‘shnilar bilan munosabatlaridagi keskinlik yumshadi va bu mening fikrimcha, Shavkat Miromonovichning faol pozitsiyasi tufayli yuz berdi", — dedi Grozin.

Ekspertning aytishicha, O‘zbekistonning yangi prezidenti barcha bilan faol muloqot qilmoqda — ko‘plab safarlarga chiqmoqda, ko‘plab uchrashuvlar o‘tkazmoqda va hattoki ko‘plab ziddiyatlar bo‘lgan Qirg‘iziston va Tojikiston bilan ham muloqot qilmoqda hamda bahsli holatlarni yechishga harakat qilyapti.

Umuman olganda, Grozinning ta’kidlashicha, ayrim muammolar — suvdan foydalanish, aniqlanmagan chegaralar, anklavlar, tovar almashishdagi muammolarga qaramasdan, oldinga siljish bo‘lmoqda, vaziyat esa yaxshi tomonga o‘zgara boshladi.

Vistavka yarmarka produksii promishlennix tovarov Respubliki Uzbekistan 2017 - Sputnik O‘zbekiston
Dushanbedan javob: oktabrda Toshkentda tojik mahsulotlari namoyish etiladi

Umumiy trenddan esa faqatgina Dushanbe tushib qolmoqda: ekspertning aytishicha, bu birinchi navbatda Rahmonning tashqi siyosatdagi strategik hisob-kitoblari bilan izohlanadi.

"Nazarimda, Dushanbe oqilona tashkil etilmagan tashqi siyosati sababli umummintaqaviy jarayonlardan tashqarida qolib ketdi. Shuning ortidan tojik-o‘zbek munosabatlari qotib turibdi", — deb qo‘shimcha qildi Grozin.

Buning ustiga, tomonlar munosabatlarni tiklashda kim "birinchi qadam"ni tashlashi lozimligini aniqlay olishmayapti.

"Tashabbus kim tomonidan chiqishi so‘roq ostida. Toshkent "koptok" Dushanbe tomonida deb hisoblamoqda. Tojikiston poytaxtidagilar esa aksincha hisoblashmoqda — ayniqsa, O‘zbekiston Bishkek bilan yaxshi munosabat o‘rnata olishini ko‘rsatganidan keyin", — xulosa qildi ekspert.

Kuch birlikda

Mintaqada ikki tomonlama munosabatlarning faollashuvi iqtisodiyot sohasidagi hamkorlik bilan bir qatorda xavfsizlikka tahdidning ortishi bilan ham izohlanadi, deb hisoblaydi Lomonosov nomidagi MDU professori, siyosatshunos Andrey Manoylo.

"Xavfsizlik sohasidagi vaziyat keskinlashmoqda… Davlatlar rahbarlari jiddiy tahdidlar mavjudligini sezib turishibdi", — deydi ekspert.

Flagi Uzbekistana i Kazaxstana - Sputnik O‘zbekiston
O‘zbekiston va Qozog‘iston ilk bor harbiy hamkorlik rejasini imzolashdi

Manoyloning fikricha, hozirda Tojikistonda murakkab ichki vaziyat hukm surmoqda — masalan, yuqori martabali ofitserlarning jangarilar tomoniga o‘tib ketishlari yuz berdi. Boshqa tarafdan, mamlakat chegarasini tojik harbiylari bilan birga Rossiya Qurolli kuchlarining 201-bazasi shaxsiy tarkibi qo‘riqlamoqda.

Manoyloning ta’kidlashicha, umuman olganda, Markaziy Osiyo rahbarlari nishon ostida alohida davlatlar emas, balki butun mintaqa turganligini juda yaxshi tushunishadi va shuning uchun xavfsizlik masalalari faqatgina birgalikda hal etish mumkin.

Yangiliklar lentasi
0