TOShKENT, 22 mar – Sputnik. Yaqinda Moskva viloyatidagi Stupino shahrida Rossiyada 3d printer yordamida qurilgan birinchi bino bitkazildi.
Qizig‘i shundaki, 3d printer ushbu binoning asosiy karkasini, ya’ni poydevori va devorlari qurilishiga bor-yo‘g‘i 20 soat vaqt sarflagan. Qolgan vaqt bino tomi va uning ichki va tashqi pardoz ishlariga sarflangan.
Apis Cor 3d printeri bir yuk mashinasiga yuklanishi va istalgan qurilish maydoniga olib borilishi mumkin. Printer ishlashini 2 kishi nazorat qiladi. Printer qurradigan bino maydoni 132 metr kvadratgacha bo‘lishi mumkin.
Apis Cor 3d printer – kompaniya tomonidan yaratilgan maxsus yengil beton aralashmasida ishlaydi. Ushbu aralashma bugungi kunda qurilishda qo‘llaniladigan qorishmalardan iborat. U yumshoq va tez qotadi. Tashqi muhit havo haroratiga qarab qorishma tarkibi ham o‘zgarishi mumkin.
Kompaniya hisob-kitobiga ko‘ra, 3d printerdan foydalanish qurilish xarajatlari jiddiy iqtisod qilish imkonini yaratadi: Poydevor ishlari – 15 %, ichki va tashqi pardozlash ishlari – 60 %, logistika – 20 – 30%, bino karkasi qurilishi – 25 %, kommunikatsiyalar – 20 %.
AQSh, Yevropa va Xitoyda 2000-yillardan boshlab 3d texnologiyalardan qurilish sohasida foydalanishga urinishlar bo‘lmoqda, lekin Apis Cor dunyoda birinchi bo‘lib binoni “ichidan qurish” texnologiyasini ishlab chiqdi.
Bugungi kunda Apis Cor uch qavatgacha bo‘lgan binolarni “chop etishi mumkin”.
Rossiya Oliy Iqtisodiyot maktabi Apis Cor 3d printer ishlab chiqarish kompaniyasini 2016 yilda boshlangan eng yaxshi biznes (start up) deb tan oldi.
