23:13 20 Sentyabr 2017
Efir
Dmitriy Dyujev, rossiyalik kinoakter

Dmitriy Dyujev Oʻzbekistonda boʻlajak aktyor va rejissyorlar uchun master-klass koʻrsatdi

Sputnik / Stringer
Madaniyat
Havola olish
116 0 0

Rossiyalik taniqli kino va teatr aktyori, kinorejisser Dmitriy Dyujev Oʻzbekiston davlat va sanat instituti tinglovchilari uchun malaka oshirish darsini oʻtkazdi.

TOSHKENT, 8 may — Sputnik. Bugun Toshkentda qisqa metrajli "U" nomli kinofilm taqdimoti boʻlib oʻtadi. Mazkur film Kanndagi 70-xalqaro kinofestivalida ishtirok etadi.

Mazkur kinofilmda bosh qahramon rolini ijro etgan rossiyalik aktyor, kinorejissyor Dmitriy Dyujev Toshkentga tashrif buyurdi. Dyujev Oʻzbekiston davlat va sanʼat instituti tinglovchilari uchun master-klass oʻtkazdi, deb xabar qildi Sputnik Oʻzbekiston muxbiri.

Dyujevni institut maʼmuriy binosi oldida ushbu film rejissyori Muxlisa Azizova va Dyujev bilan filmda birgalikda rol ijro etgan aktrisa Raʼno Shodiyeva hamda institut prorektori Davlat Mullajonov kutib oldilar.

Master-klass avvalida ishtirokchilarga "U" kinofilmi namoyish etildi. Dyujev bilan uchrashuv 2 soatdan ortiq davom etdi. U aktyorlik va rejissyorlik kasbining ijobiy va salbiy tomonlari hamda ushbu kasb sirlari haqida oʻrtoqlashdi. Shaxsiy tajribasi haqida batafsil soʻzlab berdi.

Eslatib oʻtamiz, rossiyalik taniqli kino va teatr aktyori, kinorejissyor, "Brigada", "Jmurki", "Ostrov" kabi oʻnlab filmlarda bosh qahramon obrazini yaratgan Dmitriy Dyujev Oʻzbekiston davlat sanʼat va madaniyat instituti talabasi Muhlisa Azizovaning ishchi nomi "U" (Ona) nomli yangi qisqa metrajli badiiy filmida suratga tushgan edi.

Filmda taniqli kinoaktrisa Raʼno Shodiyeva ham ishtirok etgan.

Muxlisa Azizovaning "U" nomli kartinasi Kann kinofestivaliga yuborilgan. Film bugungi kun kishilarining maʼnaviy olami, hayotiy maqsadlari hamda muammolarini ilgari suradi.

Voqea markazida sevimli ayolining vafotidek ogʻir fojiani boshdan kechirgan inson tarixi gavdalanadi. Oʻtmish xotiralari, hayotidagi qalb jarohatlari uni soʻnggi imkon sari boshlaydi.

"U" nomli kinofilmining taqdimoti bugun Toshkentda Oʻzbekiston akademik rus drama teatrida boʻlib oʻtadi.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Asosiy mavzular