TOShKENT, 18 yanv — Sputnik. 2016-yilning noyabrida O‘zbekiston hukumati Rossiya neftini "Omsk-Pavlodar-Chimkent-Zafarobod" neft quvuri orqali eksport bojxona to‘lovlarisiz yetkazib berish bo‘yicha Rossiya hukumatiga murojaat yo‘llagan.
Rossiya iqtisodiy taraqqiyot vazirligi O‘zbekistonga neft yetkazib berish bo‘yicha eksport bojlarini bekor qila olmasligini bildirdi.
Bu Rossiyaning Jahon savdo tashkilotiga a’zo-davlatlar oldidagi majburiyatlari bilan bog‘liq bo‘lib, agar O‘zbekistonga eksport bojlarini bekor qilsa, u holda JSTga a’zo mamlakatlarning barchasiga bojxona to‘lovlari bekor qilinishi kerak bo‘ladi, deb ma’lum qildi Rossiya energetika vazirligi.
Rossiya energetika vazirligi ma’lumotiga ko‘ra, ayni vaqtda "Omsk-Pavlodar-Chimkent-Zafarobod" quvuri orqali neftni yuborish uchun texnik imkoniyat mavjud emas.
Energetika vazirligiga Rossiya neft kompaniyalarining O‘zbekistonga neft yetkazib berish bo‘yicha arizalari ham tushmagan.
