O‘zbekistonda pivo ishlab chiqaradigan yangi zavod quriladi

© Sputnik / Sergey Kuznetsov / Mediabankka o‘tishPivo ishlab chiqaruvchi zavod
Pivo ishlab chiqaruvchi zavod - Sputnik O‘zbekiston
Obuna bo‘lish
Bu O‘zbekistondagi pivo ishlab chiqaradigan eng yirik korxonalardan biri bo‘ladi. Zavodda yiliga 300 million litr pivo ishlab chiqariladi

TOShKENT, 21 apr — Sputnik. O‘zbekistonda yaqin kelajakda pivo ishlab chiqaruvchi yangi yirik zavod qurilishi rejalashtirilmoqda, deb xabar qildi Sputnik O‘zbekiston muxbiriga "O‘zvinsanoat-xolding"dagi manba.

Alkogol maxsulotlari - Sputnik O‘zbekiston
O‘zbekistonda alkogol va tamaki mahsulotlariga aksiz solig‘i oshdi
Manbaning so‘zlariga ko‘ra, ushbu loyiha tashabbuskori O‘zbekistondagi vino, aroq, konyak va alkogolsiz salqin ichimliklar ishlab chiqaruvchi eng yirik korxona — "Toshkentvino".

"Yangi zavod Jizzax viloyatining Zomin tumanida quriladi. U mamlakatdagi ushbu yo‘nalishdagi eng yirik korxonalardan biri bo‘ladi. Ishlab chiqarish quvvati yiliga 30 million dekalitr, ya’ni 300 million litrni tashkil qiladi. Obyekt 2019-yil so‘ngiga qadar ishga tushirilishi lozim. Ayni vaqtda yer uchastkasi ajratilgan bo‘lib, u yerda qurilish ishlari boshlab yuborilgan", — degan  manba.

"Toshkentvino" vakillari ushbu loyihani hayotga tatbiq etish uchun xorijdan strategik sherikni jalb etishni maqsad qilib qo‘yishgan. Jumladan, mutaxassislar Italiya va Germaniya davlatlarida bo‘lib, ushbu yo‘nalishdagi eng old kompaniyalar vakillari bilan ushbu loyihani hamkorlikda amalga oshirish imkoniyatlarini muhokama qilganlar.

Xususan, O‘zbekiston tomon Zominda nemis kompaniyalaridan biri brendi ostida pivo ishlab chiqarishga qiziqish bildirmoqda.

Yangiliklar lentasi
0