O‘zbekistonda tadbirkorlarni qo‘llab-quvvatlash davlat jamg‘armasi tashkil etiladi

Obuna bo‘lish
Jamg‘arma kichik tadbirkorlik subyektlarining bank kreditlariga 50 foizi miqdoriga kafolat beradi. Bunda kredit miqdori 500 ming dollardan ko‘p bo‘lmasligi kerak.

TOShKENT, 17 avg — Sputnik. O‘zbekistonda tadbirkorlik faoliyatini rivojlantirishni qo‘llab-quvvatlash davlat jamg‘armasi tashkil etiladi, deb xabar qildi Sputnik muxbiri prezident qaroriga tayangan holda.

Ofis kompanii Uzsanoateksport - Sputnik O‘zbekiston
Mirziyoyev “O‘zsanoateksport” faoliyatini yanada takomillashtirish bo‘yicha topshiriq berdi

Yangi tuzilma bir qator kichik biznes sohasidagi loyihalarni moliyalashtirish bilan shug‘ullanadi. Masalan, tijorat banklarga pul mablag‘lar ajratadi, jumladan, chet el kredit tarmoqlarni jalb qilish, kelgusida tadbirkorlarning qarzlarini to‘lashga yo‘naltiriladi.

Jamg‘arma bank kreditlarining umumiy miqdoridan 50 foizgacha, 500 ming dollardan ortiq bo‘lmagan miqdorda kichik tadbirkorlik subyektlariga kafolat taqdim etadi. Shuningdek, kreditlar bo‘yicha foiz harajatlarini to‘lash maqsadida 1 mln dollardan ortiq bo‘lmagan holatlarda kompensatsiyalar taqdim etadi.

Eng qiziq bo‘lgan tomoni shundaki, jamg‘arma mablag‘lari birinchi navbatda qishloq xo‘jaligi, zamonaviy va yuqori samarali bo‘lgan issiqxonalarni tashkil etish, chorvachilik, parrandachilik, baliqchilik, quyon ko‘paytirish, asalarichilik, uzumchilik va bog‘dorchilik hamda intensiv bog‘larni rivojlantirish uchun moliyatlashtiriladi.

Kvartira v novostroyke - Sputnik O‘zbekiston
Ipoteka kreditlari uchun 6ta bank 1,6 trln so‘mdan ortiq pul ajratadi
Bundan tashqari, ushbu ro‘yxatga qishloq xo‘jalik mahsulotlarni qayta ishlash, meva sabzavotlarni saqlash infratuzilmasi va logistik markazlarni barpo etish hamda qo‘p qavatli binolarda umumiy foydalaniladigan joylarni ta’mirlash va obodonlashtirish loyihalari kiritiladi.

Jamg‘armaning moliyaviy bazasi Toshkentdagi kichik sanoat zonalarning kafolat jamg‘armasi va kichik tadbirkorlikni rivojlantirish kafolat jamg‘armasi hisobidan 50 mln dollar va 100 mlrd so‘m shakllanadi. Shuningdek, tuzilma yillik budjet to‘lovlarini oladi. Bu yilda sal kam 100 mlrd so‘m mablag‘ ajratish rejalashtirilgan.

Jamg‘armaning yana bir moliyaviy manbasi Markaziy bankdir. U har yili o‘zining daromadlarining bir qismini yangi tuzilmaga o‘tkazib beradi. Shuningdek, xalqaro moliyaviy institutlar, xorijiy hukumat tashkilotlari va donorlarning grand va kreditlar hisobidan shakllanadi.

Yangiliklar lentasi
0