16:53 21 Noyabr 2017
Efir
Prezentatsiya novogo avtomobilnogo brenda RAVON

Ravon Rossiyada sotuv rekordini oʻrnatdi

© Sputnik/ Yevgeniya Novojenina
Iqtisod
Havola olish
139480

2016 yil bilan solishtirganda hech qaysi avtoishlabchiqaruvchi Ravon singari keskin oʻsishni qayd eta olmadi

TOSHKENT, 11 noya — Sputnik. Oʻzbekiston avtomobil ishlab chiqaruvchisi 2017 yilda Rossiyada (yanvardan oktyabrgacha boʻlgan davr) 11147 dona avtomobil sotdi. Bu haqda Sitytraffic.ru maʼlum qildi.

2016 yil bilan solishtirganda hech qaysi avtoishlabchiqaruvchi Ravon singari keskin oʻsishni qayd eta olmadi.

"2016 yilda rossiyalik avtoishqibozlar koʻplab sabablar tufayli ommaviy ravishda Ravon sotib olishga shoshilishmaganda. Mamlakatda ushbu rusumning rasmiy dilerlari deyarli yoʻq edi. Mashinaga pul toʻlab, uni Oʻzbekistondan keltirishlarini kutish kerak edi. Buning ustiga, ushbu mashinalarga texnik xizmat koʻrsatadiganlar yoʻq edi", — deyiladi xabarda.

2017 yilda vaziyat oʻzgardi: ushbu mashinalarni sotib olish osonlashdi va texnik xizmat koʻrsatish yoʻlga qoʻyildi. Shu bois sotuv keskin oʻsdi.

Eslatib oʻtamiz, Ravon brendi futbol boʻyicha Rossiya terma jamoasining rasmiy homiysi boʻldi. Homiylik kelishuvi doirasida keng miqyosdagi imij va reklama huquqlarini qoʻlga kiritdi.

Ravon — yangi brend boʻlib, 2015 yildan buyon General Motors Uzbekistan tomonidan bozorga chiqariladi. U Rossiyada 20 yil davomida bir million donaga yaqin sotilgan afsonaviy Uz-Daewooning "vorisi" hisoblanadi.

Asosiy mavzular