Janubiy Koreya O‘zbekistonda oltin qazish bilan shug‘ullanadi

© Sputnik / Igor Ageyenko / Mediabankka o‘tishDobicha zolota
Dobicha zolota - Sputnik O‘zbekiston
Obuna bo‘lish
Koreya kompaniyalari O‘zbekistonda oltin qidirish ishlariga 10 million dollar yuboradi va zamonaviy gidrofikatsiya qilingan qazish uskunalari ishlab chiqarishni yo‘lga qo‘yadi.

TOShKENT, 21 noya — Sputnik. O‘zbekiston davlat geologiya qo‘mitasi  va bir qator Janubiy Koreya kompaniyalari O‘zbekistonda joylashgan oltin konlarini o‘rganish va ishga tushirish borasida bir qator shartnomalar imzolashdi, deb xabar qilmoqda Sputnik muxbiri.

Davlat Geologiya qo‘mitasi vakilining xabarlariga ko‘ra, dastlabki bosqichda Koreya tomoni O‘zbekistondagi foydali qazilmalar maydonlarni  o‘rganish va yangi konlar topish uchun 10 million dollar yo‘naltiradi.

“Undan tashqari, biz Navoiyda joylashgan “Sautbay” volfram konidan Koreyaning Shindong Resources kompaniyasi bilan hamkorlikda foydalanishda davom etamiz. 2018 – 2019-yillarda  xom-ashyo bazasini kengaytirish rejalashtirilmoqda”, — dedi suhbatdosh.

Ushbu kunlarda Janubiy Koreyada erishilgan yana bir muhim kelishuv – O‘zbekistonda Hanjin D&B kompaniyasi bilan hamkorlikda zamonaviy gidrofikatsiyalangan  qazish uskunalari ishlab chiqarishni yo‘lga qo‘yish rejalashtirilmoqda.

Markaziy bank ilk bor O‘zbekiston oltin-valyuta zaxiralar miqdorini e’lon qildi
Yil davomida neft-gaz va geologik sohalar uchun 15ta asbob-uskuna jamlanmalari ishlab chiqarish rejalashtirilgan. Ishlab chiqarilayotgan mahsulotning ayrim bo‘laklari 50%gacha lokalizatsiya qilinishi ham rejalashtirilgan.

Eslatib o‘tamiz, O‘zbekiston eng yirik oltin, uran, mis, kaliy tuzlari, fosforit va kaolin zahiralari joylashgan 10 mamlakat qatoridan o‘rin olgan. Oltin va uran qazib olish bo‘yicha respublika dunyoda yetakchi o‘rinlardan birida.

Bugungi kunda O‘zbekiston hududida 1931 ta turli foydali qazilma konlari bor. Ulardan 814 ta qurilish materiallari konlari, 624 ta toza va mineral suv osti suvlari, 235 ta uglevodorod, 152 ta metal, 37 ta tog‘-kon, 32 ta tog‘-kimyo, 30 ta rangli toshlar va 7 ta ko‘mir va yonuvchi slanes konlari mavjud.

Yangiliklar lentasi
0