TOShKENT, 14 dek — Sputnik. Qirg‘iziston prezidenti Sooronbay Jeenbekovning O‘zbekistonga bo‘lib o‘tayotgan rasmiy tashrifi davomida "O‘zbekiston — Qirg‘iziston — Xitoy " temir yo‘li qurilishi masalasi ham muhokama qilindi, deb xabar qilmoqda Qirg‘iziston prezidenti matbuot xizmati.
“O‘zbekiston va Qirg‘iziston ishchi guruhlari ushbu yilning 25-dekabrida O‘zbekiston – Qirg‘iziston – Xitoy temir yo‘li loyihasining muhokamasiga kirishishadi. Biz allaqachon birgalikda yaratilayotgan qo‘shma korxonalarni ko‘rayapmiz”, — dedi Jeenbekov.
Qirg‘iziston rahbari aytishiga qarganda, ushbu trasport koridorini ishga tushirish ikki mamlakatning umumiy transport salohiyatni kuchaytirishga xizmat qiladi.
Shuningdek, Jeenbekov O‘zbekiston shaharlarini O‘sh, Jalol-Obod va Batken viloyatlari orasida doimiy yo‘lovchilar tashish marshrutlarini tiklash kerakligini ta’kidladi.
Eslatib o‘tamiz, Xitoy va Markaziy Osiyo mamlkatlarini bog‘lab turuvchi temiryo‘l loyihasi 20-yildan beri muhokama qilib kelinmoqda. Temir yo‘li Xitoydan boshlanib, Qirg‘iziston, O‘zbekiston, Turkmanistondan o‘tib Erondan va Turkiya dengiz portlariga chiqishi rejalashtirilgan.
Ushbu temir yo‘li qurilishida ayni damda ikki asosiy muammo bor: bu temir yo‘l kenglgi haqida kelishib olish (chunki Xitoyda tor izli temir yo‘l standarti) va Qirg‘izistonning murakkab relyefli tog‘li hududlarida temir yo‘l qurish qimmatligi masalasi.
Xitoydan va Turkiya dengiz portlarigacha bo‘lgan hududlarni birlashtiruvchi ushbu temir yo‘l – qadimgi Buyuk Ipak yo‘lining zamonaviy qayta tug‘ilishi bo‘lishi mumkin. Ushbu ulkan loyiha barcha tutash mamlakatlar uchun yangi bozorlarga chiqishda ulkan imkoniyatlar yaratishi muqarrar.
