Afg‘onistonda O‘zbekistonda ishlab chiqarilayotgan avtomobillar sotuvi yo‘lga qo‘yiladi

© GM UzbekistanGM Uzbekistan press-tur
GM Uzbekistan press-tur - Sputnik O‘zbekiston
Obuna bo‘lish
"O‘zavtosanoat" AJ tomonidan ishlab chiqariladigan mahsulotlarni Afg‘onistonda xarid qilish, sotuvdan keyin xizmat ko‘rsatish, kadrlar malakasini oshirish masalalari muhokama qilindi.

TOShKENT, 24 yanv — Sputnik. Afg‘oniston Islom Respublikasi prezidentining katta maslahatchisi Xumoyun Qayumiy boshchiligidagi delegatsiya a’zolari "O‘zavtosanoat" aksiyadorlik jamiyati rahbariyati bilan uchrashdi, deb xabar qildi Jamiyat matbuot xizmati.

Yubileyniy avtomobil ISUZU vipustil Samarkandskiy avtozavod - Sputnik O‘zbekiston
Mirziyoyev Afg‘onistonga 25ta avtobus va 3ta traktor sovg‘a qildi
Delegatsiya a’zolari Afg‘onistonda O‘zbekistonda ishlab chiqariladigan GM Uzbekistan, SamAuto hamda JV MAN Auto Uzbekistan avtomobillariga qiziqish yuqoriligi qayd etib, mazkur korxonalar mahsulotlarini tez fursatlarda Qobuldagi O‘zbekiston savdo uyida ko‘rish istagida ekanligini bildirdi.

Uchrashuvda Afg‘oniston Prezidentining MDH mamlakatlari bilan hamkorlik bo‘yicha maxsus vakili Muhammad Shokir Korgar, Afg‘onistonning O‘zbekistondagi favqulodda va muxtor elchisi Sayid Shahobuddin Timuriy, O‘zbekiston Respublikasi Bosh vazirining o‘rinbosari, kompleks rahbari Nodir Otajonov, davlat rahbarining Afg‘oniston bo‘yicha maxsus vakili Ismatilla Irgashev hamda "O‘zavtosanoat" AJ boshqaruvi raisi Umidjon Salimov avtomobilsozlikda ikki tomonlama hamkorlik aloqalarini yo‘lga qo‘yish bo‘yicha o‘zaro fikr almashdi.

"O‘zavtosanoat" AJ tomonidan ishlab chiqariladigan mahsulotlarni Afg‘onistonda xarid qilish, sotuvdan keyin xizmat ko‘rsatish, kadrlar malakasini oshirish masalalari ham muhokama qilindi.

Yangiliklar lentasi
0