18:15 23 Oktyabr 2017
Efir
Moskva metropoliteni, arxiv surat

OAV: qirgʻizistonlik Oʻzbekiston fuqarosini poyezd tagiga itarib yubordi

© Sputnik/ Natalya Seliverstova
Hodisalar
Havola olish
118313

Kuni kecha Peterburg metrosida Oʻzbekiston fuqarosi halok boʻlgani haqida xabar berilgan edi. OAVlarda maʼlum qilinishicha, oʻzbekistonlik baxtsiz hodisa oqibatida halok boʻlmagan. Uni poyezd tagiga Qirgʻiziston fuqarosi itarib yuborgan

TOSHKENT, 11 yanv — Sputnik. Oʻzbekiston fuqarosi oʻlimida Qirgʻiziston fuqarosi gumonlanmoqda, ammo hozirga qadar bu xabar huquqni muhofaza qilish organi xodimlari tomonidan tasdiqlangani yoʻq, deb xabar qilmoqda Sputnik Qirgʻiziston nashri.

"Sankt-Peterburgda bir erkak oʻz tanishini yaqinlashib kelayotgan poyezd tagiga itarib yubordi", — deb xabar qilingan Rossiya Tergov Qoʻmitasi rasmiy saytida.

Ushbu hodisa 10 yanvar kuni ertalab Moskva metropolitenining "Aleksandr Nevskiy maydoni" stantsiyasi platformasida yuz bergan. 22 yashar yigitlar oʻrtasida mojaro yuz bergan, janjal davomida ularning biri ikkinchisisni yaqinlashib kelayotgan poyezd tagiga itarib yuborgan. Relsga qulab tushgan oʻzbekistonlik voqea joyida halok boʻlgan. Gumonlanuvchi esa qoʻlga olingan.

Oʻzbekistonlik yigitni poyezd tagiga itarib yuborgan — qirgʻizistonlik boʻlib chiqdi, deb xabar qilmoqda Sputnik Qirgʻiziston. Qirgʻizistonning Rossiyadagi elchixonasi matbuot-xizmati hozirda ushbu hodisa haqidagi maʼlumotlar diplomatik vakolatxona xodimlari tomonidan aniqlashtirilayotgani haqida xabar qilgan.

Ushbu hodisa yuzasidan Rossiya Federatsiyasi Jinoyat Kodeksining 105 — "Qotillik" moddasi boʻyicha jinoiy ish qoʻzgʻatilgan.

Teglar:
baxtsiz hodisa, metro

Asosiy mavzular