TOShKENT, 24 apr — Sputnik. Rossiyaning Sankt-Peterburg shahrida AQSh fuqarosi va tojikistonlik o‘rtasida janjal yuzaga keldi. Natijada, Tojikiston fuqarosi jarohatlar bilan kasalxonaga yotqizildi, deb xabar qilmoqda Sputnik Tojikiston.
"Mushtlashuv chog‘ida 27 yashar amerikalik 32 yashar Tojikiston fuqarosini do‘pposlagan, so‘ngra uning ko‘ziga pichoq suqqan", — deyiladi xabarda.
Janjaldan so‘ng jabrlanuvchi kasalxonaga olib borilgan.
Amerikalik esa politsiya bo‘linmasiga olib ketilgan. AQSh fuqarosining so‘zlariga ko‘ra, u Sankt-Peterburgda 2-aprel kunidan buyon yashab kelmoqda. AQShlikning Rossiyaga kirib kelishdan maqsadi ish topish va Rossiyada yashab qolish ekanligi aytilmoqda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
