TOShKENT, 19-may — Sputnik. Kursk vokzalida O‘zbekistondan kelgan yigitni pul talab qilishib barchaning ko‘z o‘ngida kaltaklashdi va mashina yukxonasiga tiqishdi, deb xabar berdi IIV matbuot xizmati.
"Yiqilib tushdim. Hujjatim yo‘q. O‘zbekistondanman. Lekin hammasi yaxshi, ichmaganman, aqlim joyida", — dedi Paveleskiy maydonida avtoinspektorlar tomonidan Ford Galaxy yukxonasidan chiqarilgan yigit.
Kursk vokzalida yuz bergan hodisa haqida guvohlar politsiyaga zudlik bilan xabar qilishgan, deb xabar qildi "360" telekanali.
Mashina salonida uch nafar o‘zbekistonlik bo‘lgan. Tezkor ma’lumotlarga qaraganda, ular o‘z yurtdoshlaridan pul talab qilishgan, lekin uning puli bo‘lmagan.
Qo‘lga olinganlarning barchasi vaqtincha qamoqqa olindi, voqea yuzasidan jinoyat ishi qo‘zg‘atildi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
