TOShKENT, 16-avgust — Sputnik. Milliy xavfsizlik xizmati Jizzax viloyati boshqarmasining tezkor xodimlari jinoyat ishlari bo‘yicha Jizzax viloyat sudining sudyasi Yunus Sidiqovni qo‘lga olishdi. Bu haqda uzbekistan24.uz xabar qilmoqda.
Ma’lum qilinishicha, u fuqaro Nafisa Hasanovadan 300 dollar va 500 ming so‘m pul olgan.
U bu pullarga Nafisa Hasanovaning turmush o‘rtog‘i No‘mon Hasanovga qo‘yilayotgan ayblovlarni kassatsion sudda ko‘rib chiqishga va’da bergan.
Mazkur holat yuzasidan O‘zbekiston Jinoyat kodeksining tegishli moddalari bo‘yicha jinoyat ishi qo‘zg‘atildi.
