14:28 24 Oktyabr 2017
Efir
Vыlet operativnoy meditsinskoy gruppы v Rossiyskuyu Federatsiyu dlya okazaniya meditsinskoy pomoщi uzbekistantsam, postradavshim v rezultate avtokatastrofы

Oʻzbekistonlik shifokorlardan iborat tezkor guruh Rossiyaga uchib ketdi

Informatsionnaya slujba Ministerstva zdravooxraneniya
Hodisalar
Havola olish
Vladimirdagi avtobus fojiasi (18)
82120

Respublika shoshilinch tibbiy yordam ilmiy markazida halokat oqibatida jabrlanganlarga yuqori malakali tezkor tibbiy yordam koʻrsatish uchun zaxira oʻrinlari tayyorlandi

TOSHKENT, 6 okt — Sputnik. Baxtsiz hodisa oqibatida jarohatlangan oʻzbekistonliklarga tibbiy yordam koʻrsatish uchun tezkor tibbiy guruh Rossiya Federatsiyasiga uchib ketdi. Bu haqda Sogʻliqni saqlash vazirligi axborot xizmati xabar berdi.

" Davlatimiz ularga zudlik bilan tibbiy yordam koʻrsatish va yurtimizga olib kelish uchun barcha choralarni koʻrmoqda. Oʻzbekiston Sogʻliqni saqlash vazirligida halokat oqibatida jabrlangan fuqarolarga tibbiy yordam koʻrsatish boʻyicha tezkor guruh tuzildi. Guruhga Oʻzbekiston sogʻliqni saqlash vazirining oʻrinbosari — Respublika shoshilinch tibbiy yordam ilmiy markazi Bosh direktori Abduhakim Xadjibayev boshchiligidagi malakali jarroh, neyrojarroh, travmatolog, ortoped, reanimatolog-anesteziolog, nevrolog kabi mutaxassislardan tarkib topgan. Ular zarur tibbiy vositalar, dori-darmon zaxiralari bilan yetarli darajada taʼminlangan", — deyiladi vazirlik xabarida.

Respublika shoshilinch tibbiy yordam ilmiy markazida halokat oqibatida jabrlanganlarga yuqori malakali tezkor tibbiy yordam koʻrsatish uchun zaxira oʻrinlari tayyorlandi. Qoʻshimcha dori-darmon va tibbiy vositalar yetkazib berildi.

Oʻzbekiston Sogʻliqni saqlash vazirligi tomoni jabrlanganlarga tezkor tibbiy yordam koʻrsatayotgan Rossiya Sogʻliqni saqlash vazirligi bilan avtohalokat oqibatida jarohatlangan oʻzbekistonliklarning holati va koʻrsatilayotgan tibbiy xizmatlar boʻyicha oʻzaro maʼlumot almashib turibdi.

Oʻzbekiston Respublikasining Moskva shahridagi elchixonasi maʼlumotiga koʻra 6 oktyabr kuni Rossiyaning Vladimir viloyati Pokrov tumanida poyezd va avtobus ishtirokidagi yoʻl-transport hodisasi natijasida 19 nafar Oʻzbekiston fuqarosi halok boʻlgan.

Mavzu:
Vladimirdagi avtobus fojiasi (18)

Asosiy mavzular