14:44 23 Oktyabr 2017
Efir
Sotsialnaya set Feysbuk

Tergovchiga tuhmat qilgan Facebook aʼzolari jinoiy javobgarlikka tortiladi - IIBB

© Sputnik/ Natalya Seliverstova
Hodisalar
Havola olish
54820

Facebook ijtimoy tarmogʻidagi Uzbek MDK guruhi aʼzolari ichki ishlar organlari xodimlariga tuhmat qilganliklari uchun jinoiy javobgarlikka tortilishlari mumkin. Bu haqda payshanba kuni boʻlib oʻtgan brifing chogʻida IIBB rahbari Doniyor Toshxoʻjayev xabar qildi

TOSHKENT, 13 okt — Sputnik. Shu kunlarda Facebook ijtimoiy tarmogʻidagi bir nechta guruhlarda joriy yilning iyul oyida Sirgʻali tumanida bir qizga pichoq bilan jarohat yetkazgan erkak 3 yilga ozodlikdan mahrum etilgani haqida xabarlar tarqaldi.

Jinoyatchiga oʻta yumshoq jazo berilgani bayon etilgan, shubhali shaxs akkauntidan tarqatilgan post qisqa vaqt ichida itimoiy tarmoqda ommalashib ketgan va xabar tagidan yuzlab izohlar qoldirilgan.

Post muallifi ushbu xabarni keng ommaga tarqatishda hamda qandaydir choralar koʻrishda foydalanuvchilarni yordamga chaqirgan.

"Jabrlangan nomidan. Assalomu alaykum, 27 iyulda Sirgʻali tumani hududida bir erkak tomonidan pichoqlangan ayol hodisasi esingizdami. Tasavvur qiling, jamoatchilik uchun xavfli boʻlgan bu odamga 3 yil uy qamogʻi jazosi berilibdi, yaʼni u jazolanmagan!!!… ayni vaqtda u mening hayotimga tahdid soladi!!! Bizning hukumatimiz qayerga qarayapti?! U HAMMAMIZ UCHUN XAVFLI! MEN ADOLAT TALAB QILAMAN!!!!! FALOKATNING OLDINI OLISH UCHUN SHU XABAR BILAN BOʻLISHING!!! MEN SIZLARDAN OʻTINIB SOʻRAYMAN, YOʻQ DEMANG! EʼTIBORSIZ QOLDIRMANG! U muqaddam ham shunga oʻxshash modda boʻyicha sudlangan boʻlgan, buni shunday qoldirib boʻladimi?, — deyiladi xabarda.

Xabar tagida qoldirilgan izohlarning aksariyati agressiv xarakterda boʻlib, foydalanuvchilarning aksariyat qismi ushbu hukmni chiqargan sudyani, yana kimdir Sirgʻali IIBB tergovchisini pora olishda ayblashgan. Ayrimlar hatto petitsiya yozishga daʼvat qilgan.

Maʼlum boʻlishicha, Toshkent shahar ichki ishlar bosh boshqarmasida bu holatga eʼtibor qaratishgan. Yana bir bor ish koʻtarilgan va tergov materiallari oʻrganilgan hamda xabar tagidagi izohlar IIB xodimi shaʼniga boʻxton yogʻdirish degan xulosaga kelingan.

"Sirgʻali tuman tergovchisi uning nomiga boʻxton yogʻdirishgan shaxslarga nisbatan qonuniy chora koʻrishni soʻrab raport bilan murojaat qildi. Biz raportni qabul qildik va oʻsha odamlarni topib, tegishli choralar koʻrishi uchun prokuraturaga topshirdik. Agar oʻsha odamlar bizning xodimimiz ayblanuvchidan qandaydir mukofot olgan, degan gapni aytishayotgan ekan, dalil keltirishsin. Tuhmat haqida modda bor. Ayni vaqtda bizning tergovchimizni poraxoʻrlikda ayblashgan. Va biz bu boʻxtonligini isbotlashga qaror qilganmiz", — deb taʼkidladi brifing davomida Toshkent IIBB rahbari oʻrinbosari Doniyor Toshxoʻjayev.

Internetda oʻsha kungi voqea aks etgan videolavhalar ham tarqaldi.

Binolardan biri ichidagi kuzatuv kamerasida yozilgan tasvirga koʻra, tashqaridan bir erkak ichkariga yugurib kiradi. Uning ortidan rezina shlangda suv sepayotgan qiz kirib keladi.

Qizning qoʻlidagi shlangdan otilayotgan suv ichkaridagi boshqa bir erkakka sachraydi. Erkak qoʻlidagi buyumni qizga uloqtiradi va uni quvib tashqariga chiqadi hamda qizga hamla qiladi. Unga qarshilik bildirishgan vaqtda u choʻntagidan aftidan buklama pichoq chiqaradi va oʻzi tomon kelgan qizga tashlanadi.

Asosiy mavzular