18:25 23 Oktyabr 2017
Efir
Migratsiya

Yordamga muhtoj oʻzbekistonlik juvon: tezroq uyga qaytishni istayman

Havola olish
95714
© Sputnik. /Anton Devyatkin

Endigina 22 yoshga kirgan oʻzbekistonlik Gulsanoy qiyin ahvolda qolgan: eri uni Moskvada chaqalogʻi bilan tashlab ketgan, ayol quruvchilar vagonida yashamoqda

Gulsanoy Oʻzbekiston fuqarosi, lekin Qirgʻizistonda yashab kelgan, ota-onasi ham oʻsha yoqda.

U Moskvada turmush qurgan, lekin oʻgʻli tugʻilishi bilan eri uni tashlab ketgan. Chaqaloq 15 yanvar kuni dunyoga kelgan.
Hozirda Gulsanoy "Rechnoy vokzal" metro stantsiyasi yaqinidagi quruvchilar vagonida yashamoqda.

"Erim ketib qolganiga uch oy boʻldi, qayerga murojaat qilishni bilmayman, menga hech kim yoʻl koʻrsatmayapti. Tezroq uyga qaytishni istayman. Men bunday boʻladi deb oʻylamagandim. Tezroq Moskvadan oʻgʻlimni olib chiqib ketsam yaxshi boʻlardi. Men shunday boʻlishini xohlamagandim", — deydi ayol.

Bolaning tugʻilganlik haqidagi guvohnomasi ham yoʻq, chunki tugʻruqxonadan chiqayotganida ayol hujjat uchun toʻlanadigan 12 ming rublni toʻlamagan.

Gulsanoy bilan Qirgʻizistonning Rossiyadagi elchixonasi xodimlari bogʻlanishgan, lekin bolaga hujjat olish uchun ayol Oʻzbekiston elchixonasiga murojaat qilishi lozim. Chunki u Oʻzbekiston fuqarosi.

Ayol faqat bir narsani: unga uyga qaytishga yordam berishlarini soʻramoqda.

Yana video

Asosiy mavzular