09:54 20 Oktyabr 2017
Efir
Nolegal migrantlar

Migratsiya siyosati yumshamoqda: Rossiyadagi nolegallar "deport" bosh ogʻrigʻidan qutuladi

© RIA Novosti.
Migratsiya
Havola olish
321881

Rossiya Ichki ishlar vazirligi mamlakatda qonunga zid ravishda yashab yurgan nolegallarni deportatsiyadan "qutqaruvchi" qonun loyihasini tayyorlamoqda

TOSHKENT, 28 apr — Sputnik. Rossiya IIV mamlakatda migratsiya siyosatini yumshatish imkonini beruvchi qonun loyihasi ustida ishlamoqda. Bu loyiha Rossiyaga deportatsiyada iqtisod qilish imkonini beradi: yangi qoidalar loyihasiga muvofiq, unchalik katta boʻlmagan qoidabuzarliklar sodir etilgan taqdirda, migrantlar deport boʻlishdan saqlanishlari mumkin. Ular mustaqil ravishda chipta sotib olib, politsiya nazoratida mamlakatni oʻz xohishi bilan tark etishlari mumkin, deb xabar qilmoqda RIA Novosti.

"Bu jarayon mohiyati shundan iboratki, kichik maʼmuriy qoidabuzarlik qilgan chet el fuqarosi deport qilinmaydi, balki politsiya xodimi guvohligida chipta sotib olib, vataniga qaytadi. Agar qoidabuzar poyezdda ketadigan boʻlsa, politsiyachilar uning vagonga oʻtirishini kuzatadilar. Chet el fuqarosi chegarani kesib oʻtganida, bu haqda maʼlumotlar IIV migratsiya organlariga kelib tushadi", — deb yozadi nashr.

Taʼkidlanishicha, ushbu choralarning deportdan afzal tomonlari juda koʻp: misol uchun, migrantga endilikda (sharoiti deyarli qamoqxonaniki bilan bir xil boʻlgan) chet elliklar vaqtincha saqlanadigan maxsus muassasada oʻtirishiga hojat qolmaydi. Axir bunday joylarda oʻtirganlar oʻzlarining deport qilinishini baʼzan haftalab kutishlariga toʻgʻri keladi. Bundan tashqari, yangi qoidalar loyihasida, Rossiyaga kirishni taqiqlash muddatini qisqartirish koʻzda tutilgan.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Asosiy mavzular