TOShKENT, 22 noya — Sputnik. Rossiya bosh vaziri Dmitriy Medvedev vaqtinchalik yashash huqunini beruvchi ruxsatnomani olish maqsadida beriladigan yangi viza joriy etilishi to‘g‘risida qarorni imzoladi. Hujjat to‘liq matni hukumat saytida berilgan.
"Oddiy kirish vizasi Rossiyada vaqtinchalik yashash uchun ruxsatnomasini olish uchun xorijiy fuqaroga to‘rt oy muddatgacha beriladi. Rossiya diplomatik vakolatxona yoki konsullik muassasalari tomonidan IIV hududiy organining xorijiy fuqaroga berilgan vaqtinchalik yashash huquqini beruvchi ruxsatnomasi asosida kirish vizasi rasmiylashtiriladi. Bunday kirish vizasi bir martalik bo‘ladi", — deyilgan xabarda.
Ushbu qaror Rossiyada vaqtincha yashash huquqni olgan va kirish vizasi talab qilinadigan xorijiy fuqarolar uchun amal qiladi.
