Buyuk Ipak Yo‘li davlatlari soatiga 400 km tezlikda harakatlanadigan poyezddan foydalanishadi

Obuna bo‘lish
"Uchar" poyezdlar faqatgina yangi Ipak yo‘li bo‘yida joylashadigan davlatlarda bo‘ladi

TOShKENT, 3-may — Sputnik, Ivan Bulatov. Xitoy tomonidan ishlab chiqarilayotgan yangi tezurar poyezd soatiga 400 kilometr tezlikda harakatlanadi. Bunday poyezdlardan 2020-yilga kelib yangi Ipak Yo‘li bo‘ylab joylashadigan mamlakatlar foydalanishlari mumkin bo‘ladi.

O‘zbekiston Xitoy-Qirg‘iziston-O‘zbekiston temir yo‘li qurilishida qatnashadi
Bu haqda China Railway Rolling Stock Corp. kompaniyasining shirkati — CRRC Changchun Railway Vehicles Co katta muhandisi Sao Fen xabar qilgan.

Sao Fenning so‘zlariga ko‘ra, yangi poyezdni ishlab chiqarishda yangi materiallardan foydalaniladi, masalan, uglevodorod tolalari va alyuminiy qotishmasidan. Fen yangi poyezdlar 2020-yilga kelib yangi Ipak Yo‘li mamlakatlari bozorlarida ishga tushirilishini qayd etdi. Fen Sao yangi poyezdlar mintaqaviy aloqalarni yo‘lga qo‘yishga yordam berib, Xitoy hamda Ipak yo‘li bo‘yidagi xorij iqtisodiyotlari uchun yangi biznesni yaratishini ta’kidladi.

Shanxay - Sputnik O‘zbekiston
O‘zbekistonda xitoy tilini biladigan gidlar ko‘payadi va Xitoycha telekanal ishga tushiriladi
XXRning islohotlar va taraqqiyot bo‘yicha qo‘mitasi xodimi Fen Xao ushbu yo‘l bo‘ylab joylashgan ko‘pgina mamlakatlar, ayniqsa, Markaziy Osiyo, Janubi-Sharqiy Osiyo, Yaqin Sharq va Sharqiy Yevropa davlatlari katta tezlikda yuriladigan temir yo‘llar qurilishi yoki mavjudlarini yangilash rejasida ekanligini aytib, bu masalada ushbu davlatlar Xitoydan texnik ko‘mak olish niyatida ekanini ma’lum qilgan.

Eslatib o‘tamiz, O‘zbekiston prezidenti Shavkat Mirziyoyev may oyi o‘rtalarida Xitoyga tashrif uyushtirishni rejalashtirmoqda.

O‘zbekiston prezidenti ushbu safari davomida "Bir kamar — bir yo‘l" anjumanida ishtirok etishni rejalashtirgan. XXR rahbariyati tomonidan olg‘a surilgan ushbu tamoyil, ayniqsa, Buyuk Ipak yo‘li iqtisodiy kamarini yaratish g‘oyasi O‘zbekiston tomonidan to‘liq qo‘llab-quvvatlangan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
Yangiliklar lentasi
0