TOShKENT, 21-iyun — Sputnik. Toyloq tumanida "Tadbirkorlik – jamiyat taraqqiyotining garovi" mavzuyida seminar bo‘lib o‘tdi, deb xabar qildi "Zarafshon" nashri.
"Hozirgacha bunday seminarlar beshta tumanda o‘tkazildi, – deydi "Tadbirkor ayol" viloyat hududiy bo‘linmasi rahbari Feruza Xonkeldiyeva. – Bu kabi seminarlar avgust oyiga qadar barcha tumanlarda o‘tkaziladi. Paxtachida o‘tgan shunday seminardan so‘ng ikki nafar ayol tadbirkor sifatida ro‘yxatdan o‘tib, o‘z ishini rasmiylashtirdi. Seminarlar davomida xotin-qizlarning tadbirkorlik bilan shug‘ullanishlari faqat tikuvchilik sexi ochishdan iborat emasligi, boshqa yo‘nalishlar haqida ham ma’lumotlar aytildi. Oilaviy tadbirkorlik, bankdan kredit olish tartiblari, soliq to‘lash xususida keng tushunchalar berildi".
Toyloqlik tikuvchi ayol L.Uzakova shu yerning o‘zida tuman "Yagona darcha" markazi vakili ishtirokida hujjatlarini rasmiylashtirib, tadbirkorga aylandi, deyiladi xabarda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
