TOShKENT, 10-iyul — Sputnik. Andijon viloyat Ichki ishar boshqarmasi mahalla bilan hamkorlikda "yangicha ishlash" tizimi asosida faoliyatni yo‘lga qo‘ydi, deb xabar qildi O‘zbekiston IIV matbuot-xizmati.
"Andijon viloyati Ichki ishlar boshqarmasi markaziy apparati xodimlari profilaktika xizmati xodimlariga yaqindan yordam berish va "yangicha ishlash" tizimini faoliyatini tashkillashtirishda ko‘maklashishi maqsadida Andijon shahar xududida joylashgan 83 ta mahallaga biriktirildi", — deyiladi xabarda.
Profilaktika inspektorlari mahalla posboni, fuqarolar yig‘inlarining faollari va jamoatchilik vakillari bilan har bir mahallalarga kirish joylarida, aholi ko‘p to‘planadigan va savdo komplekslari atroflarida tashkil etilgan "mahalla post"larida xizmat olib borishmoqda.
Yangi yo‘nalishda tashkil etilgan xizmat viloyatning barcha shahar-tumanlarida ham faoliyat ko‘rsatadi, deb ta’kidlangan xabarda.
