TOShKENT, 14-iyul — Sputnik. 2018-yil 1-yanvardan avtomobildan foydalanish ishonchnomalari, ijara shartnomalari, beg‘araz foydalanish, garov, lizing shartnomalarining yo‘l harakati xavfsizligi xizmati bo‘linmalarida ro‘yxatdan o‘tkazish talabi bekor qilinadi.
Bu haqda O‘zbekiston prezidenti Shavkat Mirziyoyevning 11-iyuldagi "yo‘l harakati xavfsizligi tizimini takomillashtirish to‘g‘risida"gi qarorida aytib o‘tilgan.
Endilikda ishonchnomalarning elektron shakllari notariuslar tomonidan Ichki ishlar organlarining yo‘l harakati xavfsizligi davlat xizmati bo‘linmalariga yuboriladi.
