05:19 25 Noyabr 2017
Efir
Oʻzbekiston IIVdagi xalqaro uchrashuv

Oʻzbekiston IIV rahbarining birinchi oʻrinbosari qozogʻistonlik hamkasbi bilan uchrashdi

Oʻzbekiston IIV matbuot-xizmati
Yangiliklar
Havola olish
198 0 0

Oʻzbekiston va Qozogʻiston IVV vakillari uchrashuvida terrorizm, separatizm, ekstremizm, transmilliy uyushgan jinoyatchilik va noqonuniy migratsiyaning turli koʻrinishlariga, shuningdek odam savdosiga qarshi kurashishda ikki davlat ichki ishlar organlarining hamkorlik vazifalari muhokama qilindi

TOSHKENT, 16 iyul — Sputnik. Oʻzbekiston Respublikasi ichki ishlar vazirining birinchi oʻrinbosari general-mayor Davron Nazarmuxamedov 15 iyul kuni Toshkent shahridagi "Turkiston" mehmonxona majmuida Qozogʻiston Respublikasi ichki ishlar vazirining birinchi oʻrinbosari politsiya general-leytenanti Marat Demeuov bilan uchrashdi, deb xabar qildi Oʻzbekiston IIV matbuot-xizmati.

"Ushbu tashrif yaqinda boʻlib oʻtgan MDH aʼzo davlatlari ichki ishlar vazirlarining Kengash yigʻilishida, Oʻzbekiston va Qozogʻiston ichki ishlar vazirlarining kelajakda ikki tomonlama hamkorlik boʻyicha bir qator masalalarni, jumladan tomonlarni qiziqtirgan hududiy muammolarni hal etish yuzasidan oʻzaro suhbatining mantiqiy davomidir", — deyiladi xabarda.

Rahbarlar terrorizm, separatizm, ekstremizm, transmilliy uyushgan jinoyatchilik va noqonuniy migratsiyaning turli koʻrinishlariga, shuningdek odam savdosiga qarshi kurashishda ikki davlat ichki ishlar organlarining hamkorlik vazifalari mavzularida suhbatlashib, ushbu yoʻnalishda ikkitomonlama hamkorlik masalalarini mustahkamlash, oʻzaro tajriba almashish yuzasidan fikr bildirganlar.

Tashrif kunining ikkinchi yarimida Qozogʻiston delegatsiyasi aʼzolari Toshkent shahrining diqqatga sazovar joylari bilan tanishdilar, deb qayd etilgan xabarda.

Asosiy mavzular