12:19 22 Avgust 2017
Efir
Toʻy korteji

Endi toʻylarda dabdabaga yoʻl qoʻyilmaydi - Prezident qarori

© Sputnik/ Vladimir Vyatkin
Yangiliklar
Havola olish
Mirziyoyevning ijodkor ziyolilar bilan uchrashuvi (14)
7464220

Oʻzbekiston prezidenti ziyolilar bilan oʻtkazgan uchrashuvida toʻy-hashamlar bilan bogʻliq ortiqcha xarajatlar ming-minglab oilalarning nafaqat iqtisodiy ahvoliga, balki, butun hayotiga jiddiy salbiy taʼsir koʻrsatayotgani haqida gapirdi

TOSHKENT, 4 avg — Sputnik. Bosh vazir Abdulla Aripovga tegishli tashkilotlar bilan birgalikda oilaviy marosimlarni tartibga solish, ularni ixcham, isrofgarchilik va dabdabaga yoʻl qoʻymasdan oʻtkazish boʻyicha bir oy muddatda Prezident qarori loyihasini tayyorlash vazifasi topshiriladi.

Bu haqda Oʻzbekiston prezidenti Shavkat Mirziyoyev 3 avgust kuni ziyolilar bilan oʻtkazgan uchrashuvida maʼlum qildi.

"Bugungi imkoniyatdan foydalanib, yana bir muhim, taʼbir joiz boʻlsa, nozik bir masala xususida sizlar bilan maslahatlashib olishni zarur deb bilaman.

Joylarda boʻlayotgan uchrashuv va muloqotlarda koʻp-koʻp odamlar menga aytayapti, Virtual qabulxonaga yozyapti, "Toʻy-maʼrakalarimizni bir tartibga solib beringlar", deb murojaat qilyapti. Haqiqatan ham, ayni shu masala necha yillar, hatto asrlardan beri kun tartibidan tushmasdan keladi. Jadid bobolarimiz ham toʻy-maʼrakalarimizdagi isrofgarchilik, dabdababozlik, maqtanchoqlik millatimizni maʼnaviy tanazzulga yetaklaydigan illat ekani haqida qanday kuyunib oʻtganlarini yaxshi bilamiz.

Mana, oʻzinglar koʻryapsizlar, soppa-sogʻ yurgan ayrim odamlar ellikka kirmasdan turib toʻsatdan insult boʻlyapti, infarkt boʻlyapti. Sababini surishtirsangiz, boshqalardan qolmaslikka tirishib, katta toʻy qilaman, deb qarzga botgan boʻladi. Hali qarzidan qutulmasdan, yana toʻy qilishi kerak. Ochigʻini aytadigan boʻlsak, toʻy-hashamlar bilan bogʻliq ortiqcha xarajatlar ming-minglab oilalarning nafaqat iqtisodiy ahvoliga, balki, butun hayotiga jiddiy salbiy taʼsir koʻrsatmoqda.

Bugun hayotimizda koʻpayib borayotgan oilaviy mojarolar, urush-janjallar, ajralishlar, qudalar oʻrtasidagi sovuqchilik sabablari ham aksariyat hollarda xuddi shu narsaga borib taqaladi.

Eng yomoni, ayrim pul topib aql topmagan, maʼnaviy saviyasi past kimsalar toʻy-hashamlar, maʼrakalarni oʻtkazish boʻyicha musobaqa oʻynab, turli-tuman yangi odatlarni oʻylab topyapti. Bularni eshitib, baʼzan odam hayratdan yoqasini ushlab qoladi.

Mana, Toshkentdagi toʻylarda "kelinnavkar" degan yana bir balo chiqibdi. Nima emish, endi kelinning ota-onasi qiziga qoʻshib uning oʻnlab dugonalarini ham bir xil kiyintirishi, yasantirishi kerak ekan. Bunday bemaza qiliqlar qayerdan chiqyapti? Yoshlarimiz kimdan oʻrganyapti buni?

Soʻrov

Toʻylarni ortiqcha dabdabasiz nishonlash toʻgʻrisidagi qarorga munosabatingiz?
  • Juda toʻgʻri qaror, allaqachon shunday chora koʻrish zarur edi
    82.7% (349)
  • Toʻyni qanday nishonlash - fuqaroning oʻziga havola
    3.6% (15)
  • Bu qarorning ijrosini taʼminlash qiyin boʻladi
    13% (55)
  • Toʻy - bir marta boʻladigan tadbir, u dabdabali oʻtishi kerak
    0.7% (3)
Ovoz berishdi: 422

Yaqinda oʻtgan "Kamolot" qurultoyida men yoshlarning ogʻzini poyladim. Birorta yigit yoki qiz chiqib, "Ey, doʻstlar, tengdoshlar, biz uylanamiz, turmushga chiqamiz deb ota-onalarimizni nihoyatda qiynab qoʻydik. Kelinglar endi, ularni bunday ogʻir tashvishga qoʻymaylik, kelajagimizni, millatimizning shaʼnini oʻylab, toʻylarimizni kamtarona, ixcham qilib oʻtkazaylik", degan gaplarni aytarmikan, deb kutdim. Afsuski, ulardan bu masalada hech qanday fikr eshitmadim.

Toʻy-maʼraka — bu faqat shaxsiy ish emas, balki ijtimoiy masala ekanini inobatga olgan holda, Bosh vazir A.Aripov, Bosh vazir oʻrinbosari T.Norboyevaga tegishli tashkilotlar bilan birgalikda oilaviy marosimlarni tartibga solish, ularni ixcham, isrofgarchilik va dabdabaga yoʻl qoʻymasdan oʻtkazish boʻyicha bir oy muddatda Prezident qarori loyihasini tayyorlash vazifasi topshiriladi", — degan oʻz nutqi davomida prezident.

Mavzu:
Mirziyoyevning ijodkor ziyolilar bilan uchrashuvi (14)

Asosiy mavzular

  • Chevrolet Spark, arxiv surat

    "Ipoteka-bank" matbuot xizmati maʼlum qilishicha arzon uy-joylar uchun pul toʻlayotgan mijozlarga "Imkoniyat" nomli yutuqli omonat ham taklif qilingan edi. Yutuqli lotereyada 5 ming 535 nafar, xususan, Toshkent shahridan 2 ming 382 omonatchi ishtirok etdi

    2103
  • Paxta zavodi

    Qishloq xoʻjaligi vaziriga gʻoʻza yaproqlarini kimyoviy moddalar yordamida sifatli toʻkish ishlari oʻtkazilishi yuzasidan qatʼiy va doimiy nazorat olib borish, belgilangan muddatlar va meʼyorlarga rioya etishni taʼminlamayotgan mansabdor shaxslarga nisbatan qatʼiy javobgarlik choralarini koʻrish huquqi berildi

    367
  • Sibirdagi daraxtni qayta ishlovchi korxona

    Mazkur hujjat bilan www.regulation.gov.uz manzilida toʻliq tanishish hamda joriy yilning 31 avgustiga qadar oʻz fikr-mulohazalaringizni bildirishingiz mumkin

    271