13:57 16 Dekabr 2017
Efir
Prokuratura zavela ugolovnoye delo na rukovodstvo Tashkentskogo yuridicheskogo kolledja

Toshkent yuridik kollejining sobiq direktoriga nisbatan jinoyat ishi qoʻzgʻatildi

© Foto: Natalya Temirova / minjust.uz
Yangiliklar
Havola olish
152040

6 oktyabr kuni mazkur kollejda oʻquvchilar janjallashi oqibatida bir oʻquvchi kollejning ikki oʻquvchisiga pichoq bilan tan jarohati yetkazgan, oʻquvchilardan biri shifoxonada koʻz yumgandi

TOSHKENT, 12 okt – Sputnik. Toshkent yuridik kollejining sobiq direktori Natalya Temirova va boshqa mansabdor shaxslarga nisbatan jinoyat ishi qoʻzgʻatildi. Bu haqda Toshkent shahar IIBB da "Profilaktika kuni" munosabati bilan oʻtkazilgan brifing davomida Toshkent shahar prokuraturasi boʻlim boshligʻi adliya katta maslahatchisi B.A.Dehqonov maʼlum qildi.

"Toshkent shahar prokuraturasi tomonidan Toshkent yuridik kolleji direktori lavozimida xizmat qilgan Temirova va boshqa mansabdor shaxslarga nisbatan Oʻzbekiston Respublikasi Jinoyat Kodeksining 167-moddasi 2-qismi "g" bandi bilan jinoyat ishi qoʻzgʻatilib, tergov harakatlari davom etmoqda", deb xabar qildi Sputnik muxbiri prokuratura vakiliga asoslanib.

Eslatib oʻtamiz, 6 oktyabr kuni mazkur kollejda oʻquvchilar janjallashi oqibatida bir oʻquvchi kollejning ikki oʻquvchisiga pichoq bilan tan jarohati yetkazgan, oʻquvchilardan biri shifoxonada koʻz yumgandi.

Ushbu voqeadan soʻng Oʻzbekiston adliya vazirligi matbuot xizmati Toshkent yuridik kolleji direktori Natalya Temirova "2-darajali adliya maslahatchisi" maxsus unvon-martaba darajasidan mahrum qilinib, egallab turgan lavozimidan ozod etilgani haqida xabar qildi.

Xabarda bildirilishicha, adliya vazirining buyrugʻiga asosan Toshkent yuridik kolleji oʻqituvchilarining murojaati yuzasidan xizmat tekshiruvi oʻtkazildi.

Xizmat tekshiruvi davomida Toshkent yuridik kolleji faoliyatiga umumiy rahbarlikni amalga oshirishda N.Temirova tomonidan kadrlarni ishga qabul qilishda qarindosh-urugʻchilikka yoʻl qoʻyilganligi, xodimlarni ishga qabul qilish, ishda qoldirishda taʼmagirlik va qonunbuzilishlar mavjudligi, xodimlarga nisbatan intizomiy jazo choralari asossiz qoʻllanilganligi, kadrlar qoʻnimsizligi yildan-yilga oshib borganligi aniqlangan.

Bundan tashqari, oʻquv jarayonida hamda bitiruvchilarga diplom berishda qonunchilik talablari buzilgan, ish yuritish va ijro intizomi masalasiga masʼuliyatsizlik bilan yondashilgan, topshiriq va koʻrsatmalarning tizimli ravishda bajarilmagan hamda boshqa bir qator qoʻpol xato va kamchiliklarga yoʻl qoʻyilgan.

Asosiy mavzular