14:09 16 Dekabr 2017
Efir
Uzbekskiye militsionerы

Oʻzbek militsiyasi rahbariyati har uch yilda almashadi - Mirziyoyev yangi qarorni imzoladi

© Flickr
Yangiliklar
Havola olish
235140

Umumiy va serjantlar tarkibi, shuningdek ayollar uchun xizmat koʻrsatishning maksimal yoshi — 50 yosh, zobitlar tarkibida — 55 yosh, generallik tarkibida — 60 yosh, deb oʻrnatildi

TOSHKENT, 1 dek — Sputnik. Oʻzbekiston Respublikasi prezidenti Shavkat Mirziyoyev ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish toʻgʻrisida yangi qarorni imzoladi.

Hujjatda Ichki ishlar vazirligining kadrlarni yollash va joylashtirish, ularning zaxirasini shakllantirish, ichki ishlar organlari xodimlarining xizmatlarini tashkil qilish sohasidagi faoliyati qoniqarsiz deb topildi.

Ichki ishlar vazirligi va uning boʻlinmalariga amaldagi kuchlar va vositalar oʻrtasida samarali boshqaruv tizimi hamda ularning oʻzaro harakatini yaratish, jinoyatlar oldini olishning tezkorligini taʼminlash, shuningdek jinoyatlar toʻgʻrisidagi xabarlarni oʻz vaqt qayd etish hamda ularga javob qaytarish boʻyicha vazifalar qoʻyildi.

Ish tajribasi davomiyligini, yosh xodimlarni xizmatga moslashuvi samaradorligini, kasbiy rivojlanish jarayonini tezlashtirishni va belgilangan tezkor-xizmat vazifalarni mustaqil ravishda bajarish qobiliyatini rivojlantirishni taʼminlaydigan samarali ustozlik tizimini joriy etish rejalashtirilgan.

Endilikda Ichki ishlar vazirining oʻrinbosarlari va Ichki ishlar vazirligi bosh boshqarmalari boshliqlari har chorakda joylarga chiqish orqali Qoraqalpogʻiston Respublikasi Ichki ishlar vazirligi, Toshkent Ichki ishlar bosh boshqarmasi va viloyatlarning ichki ishlar boshqarmalari sohaviy xizmatlari rahbarlari, shuningdek, mahalliy boshqaruv organlari rahbarlari tomonidan qabul qilingan boshqaruv qarorlari va erishilgan natijalar boʻyicha hisobotlarini tinglaydi.

Har yarim yillik natijalar asosida ular Ichki ishlar vazirligining kollegiyasida xizmat va ijro intizomini oshirish, xizmatni tashkil etish, huquqbuzarliklarning oldini olish va jinoyatchilikka qarshi kurashish boʻyicha shaxsan hisobot taqdim etadi, shuningdek, tashabbussiz va masʼuliyatsiz rahbarlarga nisbatan intizomiy jazo choralarini qoʻllash, ijobiy natijalarni tarqatish va ulardan foydalanish boʻyicha choralar qabul qilishni nazarda tutadi.

Hujjatga koʻra, Ichki ishlar vazirligining oliy oʻquv yurtlariga oʻqishga qabul qilingan fuqarolar bilan ichki ishlar organlarida, shuningdek taqsimlash boʻyicha yoʻllanma berilgan taqdirda, boshqa davlat organlarida majburiy ravishda doimiy xizmat koʻrsatish boʻyicha taʼlim olish yakunlanganidan soʻng besh yil davomida shartnoma tuziladi. Ichki ishlar organlarining yuqori rahbariyat tarkibining lavozimi, asosan, Ichki ishlar vazirligining rahbar kadrlarni tayyorlash boʻyicha fakultetini (yuqori kurslarni) bitirgan xodimlar hisobidan shakllantiriladi.

Ichki ishlar organlari rahbariyat tarkibining rotatsiyasi, odatda, egallab turgan lavozimida uch yil xizmat qilganidan soʻng munosib lavozimga oʻtkazish bilan amalga oshiriladi. Umumiy va serjantlar tarkibi, shuningdek ayollar uchun (maxsus unvondan qatʼi nazar) xizmat koʻrsatishning maksimal yoshi — 50 yosh, zobitlar tarkibida — 55 yosh, generallik tarkibida — 60 yosh.

Qarorga muvofiq, ichki ishlar organlaridagi ustozlar eng tajribali, mutaxassisligi boʻyicha kamida besh yil xizmat qilgan, yuqori professional sifatlarga, ijobiy xizmat koʻrsatkichlari va tarbiyaviy ishlar koʻnikmalariga ega xodimlar orasidan tanlanadi.

Ularga zobitlik tarkibining bir nafardan ortiq boʻlmagan, serjantlik tarkibininng uch xodimiga qadar va umumiy tarkibdagi besh nafargacha xodim biriktiriladi. Xizmatga ilk marta qabul qilingan, yoki IIV oliy oʻquv yurtlarini qatnab oʻqish shaklida tamomlagan bitiruvchilari biriktirilgan ustozlarga lavozim ish haqining 20 foizi miqdorida oylik ustamalar toʻlanadi.

2018 yilning 1 yanvaridan shunday tartib oʻrnatiladiki, unga muvofiq xizmat intozimini qoʻpol ravishda buzgan, xizmat majburiyatiga masʼuliyatsiz yondashadigan yoki ishda past samaraga ega boʻlgan xodimlarga nisbatan lavozim ish haqining 50 foizidan ortiq boʻlmagan miqdorida jarima koʻrinishida intizomiy jazo qoʻllanilishi mumkin.

Asosiy mavzular