O‘zbekistondan valyuta olib chiqish miqdori o‘zgardi

© REUTERS / Leonhard FoegerDollari SShA
Dollari SShA - Sputnik O‘zbekiston
Obuna bo‘lish
O‘zbekistonga naqd xorijiy valyuta olib kirish bojxona nazorati qoidalariga rioya qilgan holda cheklanmagan miqdorda ruxsat etiladi. O‘zbekistondan naqd xorijiy valyutani erkin olib chiqish bojxona nazorati qoidalariga rioya qilgan holda ekvivalenti 5 ming dollarga teng yoki undan oshmaydigan miqdorda ruxsat etiladi

TOShKENT, 31 dek — Sputnik. Valyuta olib kirish va olib chiqishda yangi tartib joriy etiladi, deb xabar qildi Samarqand viloyati bojxona boshqarmasi matbuot xizmatga tayangan holda "Zarafshon" nashri.

AQSh dollari - Sputnik O‘zbekiston
O‘zbekistonda valyuta olib kirish va olib chiqish tartibi soddalashtirildi
O‘zbekiston prezidentining 2017-yil 6-dekabrdagi "Jismoniy shaxslar tomonidan naqd xorijiy valyutani olib kirish va olib chiqib ketish tartibini yanada soddalashtirish chora-tadbirlari to‘g‘risida"gi Farmoni va boshqa tegishli normativ-huquqiy hujjatlarga muvofiq O‘zbekiston Respublikasiga jismoniy shaxslar tomonidan naqd xorijiy valyutani olib kirish va olib chiqish tartibiga o‘zgartirishlar kiritildi.

Unga ko‘ra, 2018-yil 1-yanvardan boshlab O‘zbekiston Respublikasiga olib kiriladigan va O‘zbekiston Respublikasidan olib chiqiladigan ekvivalenti 2 ming dollardan oshgan miqdordagi naqd xorijiy valyuta yozma deklaratsiyalash va bojxona organi xodimiga taqdim etish yo‘li bilan bojxona nazoratidan o‘tkaziladi.

Bunda yo‘lovchi bojxona deklaratsiyasida olib kirilayotgan va olib chiqilayotgan naqd xorijiy valyutaning jami summasi ko‘rsatiladi. Ekvivalenti 2 ming dollarga teng yoki undan oshmaydigan miqdordagi naqd xorijiy valyuta jismoniy shaxsning xohishiga ko‘ra yozma deklaratsiyalanishi mumkin.

O‘zbekistonga naqd xorijiy valyuta olib kirish bojxona nazorati qoidalariga rioya qilgan holda cheklanmagan miqdorda ruxsat etiladi. O‘zbekistondan naqd xorijiy valyutani erkin olib chiqish bojxona nazorati qoidalariga rioya qilgan holda ekvivalenti 5 ming dollarga teng yoki undan oshmaydigan miqdorda ruxsat etiladi.

Markaziy bank ilk bor O‘zbekiston oltin-valyuta zaxiralar miqdorini e’lon qildi
Rezidentlar tomonidan belgilangan summadan ortiqcha mablag‘ni olib chiqish O‘zbekiston Markaziy bankining ruxsatnomasi asosida amalga oshiriladi. Unda ushbu ruxsatnomada erkin olib chiqish uchun belgilangan miqdordan ortiqcha olib chiqilayotgan naqd xorijiy valyuta miqdori ko‘rsatilgan bo‘lishi lozim. Norezidentlar tomonidan O‘zbekiston Respublikasiga kirishda to‘ldirilgan yo‘lovchi bojxona deklaratsiyasi asosida amalga oshiriladi, bunda ushbu deklaratsiyadagi naqd xorijiy valyuta summasi olib chiqiladigan naqd xorijiy valyuta summasidan kam bo‘lmagan miqdorda ko‘rsatilgan bo‘lishi lozim.

Shuningdek, norezidentlar respublikada belgilangan tartibda tashkil qilingan musobaqalar, tanlov va olimpiadalarning sovrindorlari yoki qatnashchilari tomonidan erkin olib chiqish uchun belgilangan miqdordan ortiqcha naqd xorijiy valyuta olib chiqilayotganda naqd xorijiy valyuta olinganligining qonuniyligini tasdiqlovchi hujjat asos hisoblanadi.

O‘zbekiston Respublikasi Markaziy bankining ruxsatnomasini va O‘zbekiston Respublikasiga kirishda norezidentlar tomonidan to‘ldirilgan yo‘lovchi bojxona deklaratsiyasini, ya’ni ekvivalenti 5 ming dollardan oshgan miqdordagi naqd xorijiy valyutani olib chiqish uchun asos bo‘lgan hujjatni boshqa shaxsga berishga yo‘l qo‘yilmaydi.

Natsionalniy Bank Uzbekistana - Sputnik O‘zbekiston
Milliy bank so‘mdagi mablag‘ni xorijiy valyutada yuborish xizmatini yo‘lga qo‘ydi
Qisman foydalanilgan O‘zbekiston Respublikasi Markaziy bankining ruxsatnomasi va O‘zbekiston Respublikasiga kirishda norezidentlar tomonidan to‘ldirilgan yo‘lovchi bojxona deklaratsiyasi kelgusida ekvivalenti 5 ming dollardan oshgan miqdordagi naqd xorijiy valyutani olib chiqish uchun asos sifatida qo‘llanilmaydi.

Jismoniy shaxc O‘zbekiston Respublikasining bojxona chegarasini kesib o‘tayotganda ega bo‘lgan naqd xorijiy valyutaning ishonchli va to‘g‘ri deklaratsiyalanishi uchun javobgardir.

Yangiliklar lentasi
0