TOShKENT, 20 yanv — Sputnik. Rossiya va O‘zbekiston siyosiy maslahatlashuvi bo‘lib o‘tdi, deb xabar qilgan O‘zbekiston TIV matbuot-xizmati.
Muzokaralarda Rossiya tomonidan Rossiya Federatsiyasi tashqi ishlar vaziri o‘rinbosari Vasiliy Nebenzya boshchiligidagi delegatsiya ishtirok etgan.
Muloqot davomida MDH doirasidagi ikki tomonlama hamkorlikning dolzarb jihatlari hamda O‘zbekiston-Rossiya kun tartibining boshqa masalalari yuzasidan fikr almashilgan.
Maslahatlashuvlarda Toshkent shahrida MDH tashqi ishlar vazirlari kengashining bo‘lajak majlisiga va ikki tomonlama hamkorlik doirasidagi boshqa tadbirlarga tayyorgarlik ko‘rish jarayoniga alohida e’tibor qaratilgan.