Shavkat Mirziyoyev AQSh prezidentiga maktub yo‘lladi

© press-slujba prezidenta UzbekistanaO‘zbekiston prezidenti Shavkat Mirziyoyev
O‘zbekiston prezidenti Shavkat Mirziyoyev - Sputnik O‘zbekiston
Obuna bo‘lish
O‘zbekiston Respublikasi Prezidenti Shavkat Mirziyoyev AQSh Prezidenti Donald Jon Tramp tomondan Navro‘z munosabati bilan yuborilgan tabrik maktubiga javob maktubi yo‘lladi

TOShKENT, 3 apr — Sputnik. Shavkat Mirziyoyev AQSh Prezidentiga minnatdorlik maktubi yo‘lladi, deb xabar qildi O‘zbekiston TIV matbuot-xizmati.

Ilgariroq AQSh prezidenti Donald Tramp O‘zbekiston rahbariga Navro‘z munosabati tabrik yo‘llab, xatda O‘zbekistonda amalga oshirilayotgan islohotlarda katta ijobiy o‘zgarishlar sezilayotganini qayd etgani haqida xabar qilgan edik.

Mirziyoyevning Trampga yo‘llagan javob maktubi quyidagicha boshlanadi:

Donald Tramp - Sputnik O‘zbekiston
Donald Tramp Shavkat Mirziyoyevni maqtadi
"Amerika Qo‘shma Shtatlari Prezidenti Donald Jon Tramp Janobi Oliylariga

Muhtaram Prezident Janoblari!

Sizga va Sizning timsolingizda butun Amerika xalqiga yangilanish, farovonlik va uyg‘onish fasli bo‘lgan Navro‘z bayrami munosabati bilan yo‘llagan samimiy tabrik va ezgu tilaklaringiz uchun chin dildan minnatdorlik izhor etaman.

Sizning shaxsiy munosabatingizni yuksak qadrlayman, O‘zbekiston Respublikasi bilan Amerika Qo‘shma Shtatlari o‘rtasidagi har tomonlama hamkorlikni kengaytirish va mustahkamlash, xususan, mamlakatlarimiz biznes doiralarining yaqin aloqalarini to‘liq qo‘llab-quvvatlayman.

O‘zbekiston bilan Amerikaning strategik sheriklik munosabatlarini yanada rivojlantirish, ayniqsa, mintaqaviy va xalqaro tinchlik va barqarorlikni ta’minlash borasidagi dolzarb masalalar bo‘yicha yondashuvlarimizning mushtarakligi mamlakatlarimiz o‘rtasidagi keng qamrovli munosabatlarni izchil rivojlantirish uchun mustahkam asos bo‘lib xizmat qilishiga ishonaman.

AQSh-O‘zbekiston hamkorligi fakt va raqamlarda
Biz amalga oshirayotgan chuqur va keng ko‘lamli islohotlarni yuksak e’tirof etganingiz uchun Sizdan minnatdorman. Biz fuqarolik jamiyati asoslarini mustahkamlash, bozor islohotlarini chuqurlashtirish va aholi hayot darajasini tubdan oshirish bo‘yicha tanlagan yo‘limizni qat’iy va izchil davom ettiramiz.

Fursatdan foydalanib, Siz, Janob Prezidentga mustahkam sihat-salomatlik va davlat rahbari sifatidagi faoliyatingizga ulkan muvaffaqiyatlar, Amerika Qo‘shma Shtatlari xalqiga tinchlik, xotirjamlik va farovonlik tilayman".

Yangiliklar lentasi
0