Ota-onalar orasida bola huquqlari haqida tushuntirish o‘tkazildi

© AP PhotoMilitsiya patrul mashinasi
Militsiya patrul mashinasi - Sputnik O‘zbekiston
Obuna bo‘lish
Surxondaryo viloyati IIB xodimlari profilaktika kuni tadbirlari doirasida Termiz shahridagi markaziy dehqon bozorida arava tortib yurgan voyaga yetmagan bir o‘quvchi bilan suhbatlashishgan. Bola o‘qishga qatnashishga ishtiyoqi borligi, lekin otasi bunga yo‘l qo‘ymasligi, har kuni "pul topib kel" deb uni uydan chiqarib yuborishini aytgan

TOShKENT, 11 apr — Sputnik. Huquqbuzarlik va jinoyatchilikning oldini olish profilaktika kuni munosabati bilan Surxondaryo viloyat IIB Huquqbuzarliklarning oldini olish boshqarmasi (HOOB) voyaga yetmaganlarga ijtimoiy-huquqiy yordam ko‘rsatish markazi xodimlari tomonidan Termiz shahridagi iqtisodiy-ijtimoiy kasb-hunar kolleji hamda shahardagi markaziy dehqon bozorida tadbirlar o‘tkazildi, deb xabar qildi O‘zbekiston IIV matbuot-xizmati.

IIB xodimi - Sputnik O‘zbekiston
O‘zbekiston IIV Mirziyoyev talabini bajarishga kirishdi
Qayd etilishicha, ichki ishlar organlari, prokuratura xodimlari, "Mahalla" xayriya jamoat fondi, "Nuroniy" jamg‘armasi, "Kamolot" YoIH, xotin-qizlar qo‘mitasi va boshqa bir qator tashkilot va korxonalarning vakillari ishtirok etgan ushbu tadbirlarda kollej o‘quvchilarining darslarga muntazam qatnashishi va bu boradagi mavjud muammolar o‘rganilgan.

Viloyat IIB Huquqbuzarliklarning oldini olish boshqarmasi voyaga yetmaganlarga ijtimoiy-huquqiy yordam ko‘rsatish markazi rahbari, mayor Husniddin Umbarovga ko‘ra, bugungi kunda voyaga yetmaganlar o‘rtasida sodir etilayotgan jinoyatlarning aksariyati o‘z vaqtida darsga kelmaydigan, saboqlarni o‘zlashtirishda birmuncha ortda qolayotgan o‘quvchilar hissasiga to‘g‘ri kelmoqda.

"O‘rganishlar shuni ko‘rsatmoqdaki, ayrim yoshlarning jinoyatchilik va huquqbuzarliklarga moyilligi ularning oilasidagi tarbiyaviy muhit og‘irligi bilan bog‘liqdir. Shunday ekan, nafaqat bu yoshlarning o‘zi bilan, balki ularning oilasida ham farzand tarbiyasida ota-onaning mas’uliyati va uning qonuniy asoslari yuzasidan profilaktik tadbirlar olib borish lozim", — deydi Umbarov.

Yunusobod tumanidagi YHT - Sputnik O‘zbekiston
Militsiya xodimining o‘limiga sabab bo‘lgan o‘smirlar javobgarlikdan ozod etildi
Voyaga yetmaganlarga ijtimoiy-huquqiy yordam ko‘rsatish markazi tunu kun (dam olish kunlarisiz) faoliyat yuritishi, bundan maqsad nazoratsiz qolgan bolalar va o‘smirlarning (3 yoshdan 18 yoshgacha) manfaatlarini himoya qilish, ularni yomon yo‘llarga kirib ketishining oldini olish ekanligi ta’kidlangan. Shu bois ham bu joyga keltirilgan voyaga yetmaganlarni to‘g‘ri yo‘lga qaytarish uchun kutubxona, o‘quv xonalari, xullas, barcha sharoitlar yaratilgan.

"Profilaktika kuni tadbirlari doirasida Termiz shahridagi markaziy dehqon bozorida arava tortib yurgan voyaga yetmagan bir o‘quvchi bilan suhbatlashdik. U o‘qishga qatnashishga ishtiyoqi borligi, lekin otasi bunga yo‘l qo‘ymasligi, har kuni “pul topib kel” deb uni uydan chiqarib yuborishini aytdi. Uning xonadoniga borib, otasiga bu qilmishi qonun bilan cheklanganligini tushuntirdik. Ichkilikbozlik dardiga yo‘liqqan otaga qonun doirasida chora ko‘rildi. Afsuski, ichkilikka mukkasidan ketgan, hech qayerda ishlamaydigan otaning noshudligidan aziyat chekkan bolaning taqdiriga mahalla-ko‘y, jamoatchilik shu paytgacha befarq qarab kelgan", — deb ta’kidlaydi Umbarov.

Xabarga ko‘ra, mutaxassislar profilaktika tadbirida ota-onalar bilan ham suhbatlar o‘tkazishgan. Bola huquqlarini tushuntirish bo‘yicha mahallalarda hamkorlikda tadbirlar olib borish, bunday tadbirlarda yosh oilalar ham ishtirok etishiga e’tibor qaratish maqsadga muvofiqligi ta’kidlangan.

Yangiliklar lentasi
0