Nazarboyev qozoq alifbosini lotin grafikasiga o‘tkazishni buyurdi

TOShKENT, 12 apr — Sputnik. Qozog‘iston lotin grafikasiga asoslangan alifboga o‘tmoqda, deb xabar qildi Sputnik Qozog‘iston.

Xabarda ta’kidlanishicha Qozog‘iston  prezidenti Nursulton Nazarboyev mamlakat hukumatiga qozoq alifbosini lotin grafikasi o‘tkazish borasida dastur ishlab chiqishni  topshirgan.

"Biz bu borada tayyorgarlik ishlarini boshlayapmiz. Hukumat qozoq alifbosini lotin grafikasiga o‘tkazish borasida dastur tuzishi lozim", — deyiladi Nazarboyevning "Yegemen Kazaxstan" ("Mustaqil Qozog‘iston") gazetasidagi mualliflik maqolasida.

Nazarboyev lotin alifbosiga o‘tish zamonaviy texnologiya va kommunikatsiyalar, shuningdek 21-asrda ta’lim va ilm-fandagi o‘ziga xosliklar bilan bog‘liqligini ta’kidlagan.

"Bolalarimiz ingliz tilini o‘rganyapti, lotin harflarini bilishadi, shu bois yosh avlod oldida hech qanday to‘siq va muammolar bo‘lmasligi lozim. 2018-yildan e’tiboran yangi alifbosini o‘tgantuvchi mutaxassislar tayyorlash hamda o‘rta maktablar uchun darsliklar chop etish lozim. Yaqin ikki yil ichida barcha tashkiliy va uslubiy ishlar o‘tkaziladi", —  deb aytgan Nazarboyev.

Yangi alifboni joriy etishning dastlabki davrlarida kirill va lotin grafikasidagi alifbolar birgalikda ishlatiladi, deya ishontirgan Nazarboyev.