Shavkat Mirziyoyev Pokiston xalqiga chuqur ta’ziya izhor qildi

© Sputnik / StringerPokiston bayrog‘i
Pokiston bayrog‘i - Sputnik O‘zbekiston
Obuna bo‘lish
O‘zbekiston prezidenti Pokistonning uchta shahrida yuz bergan mudhish terrorchilik hurujlari tufayli Pokiston rahbariga o‘z hamdardligini bildirdi

TOShKENT, 24-iyun — Sputnik. O‘zbekiston prezidenti Shavkat Mirziyoyev Pokiston prezidenti Mamnun Husaynga hamdardlik bildirdi, deb xabar qildi O‘zbekiston TIV matbuot-xizmati.

Makkadagi ziyoratchilar - Sputnik O‘zbekiston
Makkaga xudkush-terrorchi hujum uyushtirmoqchi bo‘ldi
Pokiston rahbariga yo‘llangan maktubda shunday deyilgan: "Pokistonning Parachinar, Kvetta va Karachi shaharlarida yuz bergan terrorchilik hurujlari oqibatida ko‘plab begunoh insonlarning qurbon bo‘lgani va og‘ir jarohat olgani to‘g‘risidagi xabar bizni qattiq qayg‘uga soldi.

Mazkur jirkanch hodisalarning butun islom ummati uchun muqaddas bo‘lgan Ramazon oyida va muborak Iyd-al-Fitr ayyyomi arafasida sodir etilgani barchamizni tashkishga soladi va O‘zbekiston bunday yovuz xatti-harakatlarni keskin qoralaydi.

Ushbu musibatli damlarda Siz Janobi Oliylari va birodar Pokiston xalqiga chuqur ta’ziya izhor etib, halok bo‘lganlar hamda jarohat olganlarning oila a’zolari va yaqinlariga samimiy hamdardlik tuyg‘ularimizni yetkazib qo‘yishingizni so‘raymiz".

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0