Eng yosh vazir o‘rinbosari: asosiysi - prezident ishonchini oqlash

© Press-klubPress-klub: soveshanie
Press-klub: soveshanie - Sputnik O‘zbekiston
Obuna bo‘lish
Bola tarbiyasida maktabgacha ta’lim muassasalarining o‘rni juda muhim, deb hisoblaydigan vazir o‘rinbosari Sa’dullayev bor e’tiborini ana shu maskanlarni rivojlantirishga qaratishni rejalashtirgan

TOShKENT, 4-iyul — Sputnik. O‘zbekiston tarixidagi eng yosh vazir o‘rinbosari, 22 yashar Alisher Sa’dullayev xalqaro press-klub yig‘ilishi doirasida o‘zining ushbu lavozimga tayinlanishini izohladi va yaqin kelajakdagi rejalari bilan o‘rtoqlashdi, deb xabar qilmoqda Sputnik muxbiri.

Zasedanie Mejdunarodnogo Press-kluba (MPK), vo vremya kotorogo obsujdalis provodimie reformi v sisteme visshego obrazovaniya Respubliki Uzbekistan - Sputnik O‘zbekiston
O‘zbekistonda yoshlar siyosatiga zamonaviy yondashuv
Eslatib o‘tamiz, bir necha kun avval O‘zbekiston prezidenti Toshkentda Singapur menejmentni rivojlantirish institutini tamomlagan Alisher Sa’dullayevni tajriba tariqasida Xalq ta’limi vazirining yoshlar siyosati bo‘yicha o‘rinbosari etib tayinlagan edi.

Sa’dullayevning so‘zlariga ko‘ra, u ishni maktabgacha ta’lim maskanlarini rivojlantirishdan boshlamoqchi. Yosh vazirning aytishicha, aynan ushbu muassasa bola tarbiyasida juda katta rol o‘ynaydi.

"Bugungi kunda 5 milliondan ortiq inson taqdiri Xalq ta’limi vazirligi faoliyatiga bog‘liq, shulardan 1 millioni — bu maktab o‘quvchilari, qolganlari — bolalar bog‘chalari tarbiyalanuvchilaridir.

Inson dunyoqarashi aynan maktabgacha ta’lim muassasalarida shakllanadi, shu bois bolalar bog‘chalari faoliyatida xalqaro standartlarni joriy etishga e’tibor qaratish lozim. Bu uzluksiz tizim bo‘lib, bolaning maktabdagi o‘qishi muvaffaqiyatli kechishi uchun, u avval boshdanoq bog‘chada yaxshi ta’lim olishi kerak", — deb qayd etdi Sa’dullayev.

O‘zbekiston prezidenti Shavkat Mirziyoyev - Sputnik O‘zbekiston
Yoshlar - ulkan kuch: Mirziyoyev yoshlarga Hukumat eshiklarini ochdi
Shu bilan birga, Sa’dullayevning fikricha, na maktabgacha ta’lim, na maktabdagi ta’lim bolaga to‘laqonli tarbiya bera olmaydi.

"Bu yerda ota-onalar bilan hamjihatlikda ish olib borishimiz lozim. Shu bois, kelajakda xalqaro standartlarni bog‘chalarda joriy qilish uchun hozirdanoq maktabgacha ta’lim tizimini sinchkovlik bilan o‘rganishga kirishaman", — dedi u.

Yosh amaldorning so‘zlariga ko‘ra, u uchun hozirda eng muhimi — bu avvalo, O‘zbekiston prezidenti ishonchini oqlash, chunki hozir u qo‘yayotgan yo‘l orqali, kelajakda davlat farovonligi uchun xizmat qiladigan o‘nlab yosh kadrlar hokimiyatga kirib kelishi mumkin.

Yangiliklar lentasi
0