07:03 23 Noyabr 2017
Efir
Xitoy armiyasi

Xitoydan vaʼda: Koreya yarimorolida urush boshlanishiga yoʻl qoʻymaymiz

© Sputnik/ Igor Ageyenko
Siyosat
Havola olish
592 0 0

BMT Xavfsizlik kengashi dushanba kuni kechqurun Shimoliy Koreyaga nisbatan yangi sanktsiyalarni kiritdi. Galdagi cheklovlarda KXDRga eksport va import hajmlari qisqartirilishi koʻzda tutilgan

TOSHKENT, 12 sen — Sputnik. Xitoy Koreya yarimorolida harbiy harakatlar boshlanishiga yoʻl qoʻymaydi, mavjud muammo faqatgina tinch yoʻl bilan hal qilinishi kerak, deya bayonot qildi XXR TIV vakili Gen Shuan BMT Xavfsizlik kengashi tomonidan Shimoliy Koreya boʻyicha qabul qilingan yangi rezolyutsiyadan soʻng.

"Yarimorol (Koreya yarimoroli — tahr.) muammosi faqatgina tinchlik yoʻli bilan hal etilishi kerak, bu yerda harbiy choralar haqida gap borishi mumkin emas. Xitoy yarim orolda betartiblik va urush yuzaga kelishiga hech qachon yoʻl qoʻymaydi", — deyiladi XXR Tashqi ishlar mahkamasi rasmiy saytida eʼlon qilingan diplomat bayonotida.

Gen Shuan "Xitoy 2375-rezolyutsiya kompleks ravishda va toʻliq hajmda bajarilishiga umid qiladi", deb aytgan.

"Yarimorol muammosiga yechim topish uchun, barcha manfaatdor tomonlar oʻz boʻyniga olgan majburiyatlarini bajarmoqlari, ularga topshirilgan tegishli rolni bajarishlari yarimorolda ziddiyatni pasaytirish uchun taʼsirli choralarni qoʻllashlari, suhbat va muzokaralarni qayta tiklashlari lozim", — deb qoʻshimcha qilgan diplomat.

Eslatib oʻtamiz, BMT Xavfsizlik kengashi dushanba kuni kechqurun Shimoliy Koreyaga nisbatan yangi sanktsiyalarni kiritdi. Yangi cheklovlarda KXDRga eksport va import hajmlari qisqartirilishi koʻzda tutilgan.

Asosiy mavzular