TOShKENT, 12 okt — Sputnik. O‘zbekiston tarixda birinchi marotaba ekstremizmga qarshi kurashga bag‘ishlangan alohida bir qonunni qabul qilishni rejalashtirmoqda, deb xabar qildi Sputnik O‘zbekiston muxbiri.
Shahid o‘z chiqishi davomida, O‘zbekiston qabul qilishni rejalashtirayotgan yangi qonunda "ekstremizm", "ekstremistlik faoliyati", "ekstremistik tashkilot" kabi hamda boshqa atamalarga aniqlik kiritilishiga umid bildirdi.
Ahmed Shahid O‘zbekistonga qilgan rasmiy tashrifi yakunida "O‘zbekistonda amalga oshirilayotgan islohotlar inson huquqlarini qo‘llab-quvvatlash va himoya qilish, jumladan din yoki e’tiqod erkinligi asosida bo‘lishi kerak", — deya xulosa berdi.
"Ko‘plab etnik va diniy jamoalar birgalikda tinch yashayotgan O‘zbekistonda dinlar yoki e’tiqodlarga tahdid sifatida qaralmasligi lozim.
BMT ekspertining so‘zlariga ko‘ra, hukumat amaldagi tartib-qoidalarni xalqaro standartlarga moslashtirish uchun joriy islohotlarda din yoki e’tiqod erkinligi sohasiga ko‘proq mablag‘ sarflashi kerak bo‘ladi.
Maxsus ma’ruzachi "Zo‘ravonlik ekstremizmning oldini olish yoki unga qarshi kurashish yo‘lida din yoki e’tiqod erkinligi huquqi qurbon qilinmasligi kerak", — deya ogohlantirdi.
