TOShKENT, 27 okt — Sputnik. O‘zbekiston va Turkiya umumiy hajmi 3,5 milliard dollarlik hujjatlarni imzolashadi, deb bayonot berdi jurnalistlarga O‘zbekiston prezidenti Shavkat Mirziyoyev Turkiya prezidenti Erdo‘g‘on bilan o‘tkazilgan muzokaralardan so‘ng.
O‘zbekiston prezidenti Istanbul shahrida bo‘lib o‘tadigan o‘zbek-turk biznes-forumida umumiy hajmi 3,5 mlrd $lik 35 ta hujjat imzolanadi, deya qayd etgan, deb xabar qiladi Sputnik muxbiri.
O‘z navbatida Turkiya prezidenti Rajab Toyib Erdo‘g‘on ham O‘zbekistonni barcha munosabatlarda strategik ahamiyatga ega mamlakatligini qayd etgan. Turkiya rahbari Mirziyoyevning mamlakatga tashrifini — tarixiy hodisa, deb ta’kidladi.
Rajab Toyib Erdo‘g‘on O‘zbekiston va Turkiya o‘rtasidagi savdo-sotiq darajasi mamlakatlar salohiyatiga mos emasligini qo‘shimcha qilgan.
Bunga javoban O‘zbekiston prezidenti joriy yilning birinchi to‘qqiz oyimobaynida mamlakatlar o‘rtasidagi tovaraylanmasi deyarli 30%ga o‘sganini aytgan. Va "Bu juda kam" deya qo‘shimcha qilgan. Prezident fikriga ko‘ra, mamlakatlar o‘rtasidagi o‘zaro savdo-sotiq 5-6 mlrd dollarni tashkil qilishi lozim. 2016-yilda esa bu ko‘rsatkich 1,2 mlrd dollarga teng bo‘lgan.
