TOShKENT, 5 dek — Sputnik. Ko‘ksaroy qarorgohida ikki davlat o‘rtasida qo‘shma hujjatlar imzolandi, deb xabar qilmoqda Sputnik muxbiri.
Davlat rahbarlari ishtirokida quyidagi hukumatlararo va idoralararo hujjatlar imzolandi:
— Xavfsizlik masalalari bo‘yicha qo‘shma komissiya tashkil etish to‘g‘risida hukumatlararo bayonnoma;
— Termez-Hayraton ko‘prigini muhofaza qilish to‘g‘risida hukumatlararo bitim;
— "Mozori Sharif-Hirot" temir yo‘lini moliyalashtirish, loyihalashtirish va qurish" loyihasini amalga oshirish bo‘yicha hamkorlik to‘g‘risida hukumatlararo bitim;
— "Quvvati 500 KVt bo‘lgan "Surxon-Puli-Xumri" elektr uzatish liniyasini qurish" loyihasini amalga oshirish hamkorlik to‘g‘risida hukumatlararo bitim;
— Yuklarni tranzit tashish to‘g‘risida hukumatlararo bitim;
— Fuqarolik, oilaviy va jinoiy ishlar bo‘yicha o‘zaro huquqiy yordam to‘g‘risida davlatlararo shartnoma;
— Davlat chegaralaridan o‘tkazish punktlari to‘g‘risida hukumatlararo bitim;
— O‘zbekiston va Afg‘oniston hukumatlari o‘rtasida savdo-iqtisodiy hamkorlik to‘g‘risida hukumatlararo bitim;
— O‘zbekiston Sog‘liqni saqlash vazirligi va Afg‘oniston Sog‘liqni saqlash vazirligi o‘rtasida hamkorlik to‘g‘risida anglashuv memorandumi;
— O‘zbekiston Oliy va o‘rta maxsus ta’lim vazirligi va Afg‘oniston Oliy ta’lim vazirligi o‘rtasida hamkorlik to‘g‘risida idoralararo bitim;
— Qishloq xo‘jaligi sohasida hamkorlik to‘g‘risida idoralararo anglashuv memorandumi;
— Sertifikatlashtirish sohasida hamkorlik qilish to‘g‘risida idoralararo bitim;
— "O‘zbekenergo" AJ va Afg‘oniston energetika va suv resurslari vazirligi o‘rtasida anglashuv memorandumi;
— O‘zbekiston va Afg‘oniston savdo-sanoat palatalari o‘rtasida anglashuv memorandumi;
— Bojxona ishlarida hamkorlik va o‘zaro yordam to‘g‘risida hukumatlararo bitim.
Shuningdek, Ko‘ksaroydagi muzokaralar yakunida O‘zbekiston va Afg‘oniston prezidentlarining Qo‘shma bayonoti imzolandi.
Ushbu imzolangan hujjatlarning ijrosi shaxsan ikki davlat prezidentlari nazoratida bo‘ladi.
