TOShKENT, 12 dek — Sputnik. Shayxontohur tumaniga yangi hokim tayinlandi, deb xabar qildi UzNews nashri.
"Bugun, 11-dekabr kuni Bahodir G‘oibnazarov Shayxontohur tumani hokimi etib tayinlandi", — deyiladi xabarda.
Xabarda ta’kidlanishicha, bu haqda nashr muxbiriga hokimiyatdagi tegishli manbaalar xabar bergan.
Eslatib o‘tamiz, avvalroq u Olmazor tumani hokimi lavozimida faoliyat yuritgan.
Bahodir G‘oibnazarovning mutaxassisligi iqtisodchi-tashkilotchi va yurist.
U 1997-yilda Toshkent davlat agrar universitetini, 2005-yilda O‘zbekiston Milliy universitetini tamomlagan.