TOShKENT, 15 nogya — Sputnik. Bu tashabbus Jamiyat rahbariyati va haydovchilarning o‘zlaridan chiqqan, deb xabar qilgan O‘zbekiston avtomobil va daryo transporti agentligi matbuot-xizmati.
Ajabki, savob ishga qo‘l urilganidan keyin korxonaning pullik mijozlari soni ortib, tushum ko‘paydi. O‘z navbatida, haydovchilarning daromadlari ham.
Ezgu ish orqasida topayotgan obro‘-e’tibor va barakadan ruhlangan "Xorazm Ravon trans" MChJ rahbariyati endilikda tug‘ruqxonadan "yangi mehmon" bilan chiqqan yosh onalarni uylariga bepul yetkazib qo‘yishni tashkil etish niyatida. "Har kim qurbi yetgancha savob ish qilganiga nima yetsin! Odamlarga yaxshilik qilsangiz, muhtojlarga yordam qo‘lini cho‘zsangiz, o‘zingiz ham ruhiy halovatga erishasiz. Shunday ekan, boshlagan xayrli ishlarimizni aslo to‘xtatib qo‘ymaymiz", – deydi korxona rahbari Adilbek O‘razov.
"Xorazm Ravon trans" MChJ ko‘p yillarlan buyon shaharda yo‘lovchi tashish faoliyati bilan shug‘ullanib kelmoqda. Hozirgi kunda korxona tasarrufida 26 ta yengil avtotransport vositalari mavjud. Avtomobillarni kunlik texnik ko‘rikdan, haydovchilarni tibbiy ko‘rikdan o‘tkazish malakali xodimlar tomonidan amalga oshiriladi.
