21:37 17 Oktyabr 2017
Efir
Toshkent axborot texnologiyalari universiteti

Oʻzbekistonda 14ta oliy oʻquv yurti kapital taʼmirlanadi

© Wikipedia
Jamiyat
Havola olish
46110

Respublikada taʼlim-tarbiya sohasiga har yili sarflanayotgan xarajatlar YUNESKOning mamlakatni barqaror rivojlantirishni taʼminlash uchun taʼlimga yoʻnaltirilishi zarur boʻlgan investitsiyalar miqdori boʻyicha tegishli tavsiyalaridan qariyb 2 barobar koʻpdir

TOSHKENT, 23 noya — Sputnik. Oʻzbekistonda mustaqillik yillarida oliy oʻquv yurtlari soni 37 tadan 81 taga oʻsdi, shu jumladan xorijiy mamlakatlar nufuzli oliy oʻquv yurtlarining bir qator filiallari faoliyat yuritmoqda.

Respublikada taʼlim-tarbiya sohasiga har yili sarflanayotgan xarajatlar yalpi ichki mahsulotga nisbatan 10-12 foizni, yaʼni YUNESKOning mamlakatni barqaror rivojlantirishni taʼminlash uchun taʼlimga yoʻnaltirilishi zarur boʻlgan investitsiyalar miqdori boʻyicha tegishli tavsiyalaridan qariyb 2 barobar koʻpdir.

Bu yil Moliya vazirligi huzuridagi Oliy taʼlim muassasalarining moddiy-texnik bazasini rivojlantirish jamgʻarmasi zarur infratuzilmani yanada rivojlantirish maqsadlari uchun 355,6 milliard soʻm mablagʻ ajratgan boʻlib, ular hisobidan 14 ta oliy oʻquv yurtining kapital taʼmirlanishi koʻzda tutilmoqda. Bu haqda OʻzLiDeP matbuot xizmati maʼlum qildi.

Xususan, 22065 oʻquvchi oʻringa ega boʻlgan 30 ta oʻquv binolari, 3560 oʻringa ega boʻlgan 12 ta talabalar turar joylari, 5 ta sport inshootlari, 3 ta talabalar oshxonasi, 2 ta Axborot resurs markazlari, 1 ta madaniyat saroyini qurish va rekonstruktsiya qilish rejalashtirilgan.

Joriy yilning toʻqqiz oyi ichida ushbu oliy taʼlim muassasalari obʼyektlarini qurish hamda rekonstruktsiya qilish uchun 201,3 milliard soʻm yoʻnaltirildi.
15 ta tayanch oliy oʻquv yurtida Janubiy Koreya, Italiya, Avstriya, Yaponiya, AQSH, Ispaniya, Frantsiya kabi davlatlardan 15 xorijiy mutaxassis ushbu markazlar direktor oʻrinbosari sifatida jalb etildi. Ularda oliy taʼlim muassasalari rahbarlari va pedagog kadrlarini qayta tayyorlash hamda malakasini oshirish kurslari tashkil etildi. Hozirgi paytda mazkur kurslarda oliy oʻquv yurtlarining professor-oʻqituvchilari malaka oshirib kelmoqda.

Asosiy mavzular