O‘zbekistonda farzandiga o‘z vaqtida pasport olib bermagan ota yoki ona jarima to‘laydi

Obuna bo‘lish
Bu kabi holatlar tez-tez qulog‘imizga chalinmoqda. Yaqinda bir tanishim ham farzandi o‘z vaqtida fuqarolik pasporti olmaganligi uchun jarima to‘laganidan nolidi. Xo‘sh, ota-onalarning e’tirozi ne chog‘lik asosli

TOShKENT, 15 fev — Sputnik. Samarqandda o‘z farzandiga vaqtida pasport olib bermagan ota jarima to‘ladi, deb xabar qilmoqda "Zarafshon" nashri.

"Bu kabi holatlar tez-tez qulog‘imizga chalinmoqda. Yaqinda bir tanishim ham farzandi o‘z vaqtida fuqarolik pasporti olmaganligi uchun jarima to‘laganidan nolidi. Xo‘sh, ota-onalarning e’tirozi ne chog‘lik asosli?", — deb yozadi maqolada nashr muxbiri G‘olib Abdusalomov.

Pasport tizimidagi qoidabuzarliklar uchun jarima miqdori oshirildi
Bu savolga Tayloq tumani hokimligi huzuridagi voyaga yetmaganlar ishlari bo‘yicha komissiya mas’ul kotibi Azamat Fafforov aniqlik kiritgan.

"O‘zbekiston Respublikasi Ma’muriy javobgarlik to‘g‘risidagi kodeksining 47-moddasida voyaga yetmagan bolalarni tarbiyalash va ularga ta’lim berish borasidagi majburiyatlarini bajarmagan ota-onalar yoki ularning o‘rnini bosuvchi shaxslar ma’muriy javobgarlikka tortilishi belgilangan. Shunga asosan, farzandi 16 yoshga to‘lgan bo‘lsa-da, o‘z vaqtida fuqarolik pasporti olib berish choralarini ko‘rmaganligi uchun ota yoki ona ma’muriy javobgarlikka tortiladi", — dedi u.

Eslatib o‘tamiz, O‘zbekiston Respublikasi Prezidentining 2011-yil 5-yanvardagi "O‘zbekiston Respublikasida pasport tizimini takomillashtirish to‘g‘risida"gi farmonida birinchi marta pasport olayotgan shaxs 16 yoshga to‘lganidan keyin bir oydan kechiktirmasdan ma’lumotlarni yig‘ish punkitiga murojaat etishi shartligi belgilab qo‘yilgan.

Yangiliklar lentasi
0