Prezident qaroriga mas’uliyatsizlik bilan yondashgan rahbarlar jazolandi

© Sputnik / Ilya PitalevPapka s dokumentami
Papka s dokumentami - Sputnik O‘zbekiston
Obuna bo‘lish
Davlat raqobat qo‘mitasining hay’at yig‘ilishida prezident qarori talablarining bajarilishi yuzasidan olib borilayotgan ishlar muhokama qilindi

TOShKENT, 4 apr — Sputnik. O‘zbekiston prezidentining "Tadbirkorlarning ishlab chiqarish maydonlaridan foydalanishlarini yanada rag‘batlantirish chora-tadbirlari to‘g‘risida"gi qaroriga mas’uliyatsizlik bilan yondashgan Davlat raqobat qo‘mitasi hududiy boshqarmalari rahbarlariga nisbatan intizomiy jazo choralari ko‘rildi. Bu haqda qo‘mita matbuot xizmati xabar berdi.

Virtual qabulxona sahifasi - Sputnik O‘zbekiston
Virtual qabulxona ishiga mas’uliyatsiz qaraganlarga chora ko‘rilmoqda
Xabarda aytilishicha, qo‘mitaning hay’at yig‘ilishida prezident qarori talablarining bajarilishi yuzasidan olib borilayotgan ishlar muhokama qilindi. Xususan, yo‘l qo‘yilgan kamchiliklar aniqlanib, tanqidiy ko‘rib chiqildi.

Hay’at yig‘ilishi davomida qaror talablarining ijrosini ta’minlashda yetarli darajada mas’uliyat bilan yondashmagan hududiy boshqarmalar rahbarlariga nisbatan intizomiy jazo choralari ko‘rildi.

Yig‘ilishda avval xususiylashtirilgan obyektlar to‘g‘risidagi ma’lumotlarni kadastr, soliq, statistika va Markaziy bank boshqarmalari bilan o‘zaro o‘z vaqtida hamda to‘liq almashinuvini yo‘lga qo‘yish, bo‘sh turgan va investitsiya loyihalari hali ishlab chiqilmagan obyektlar negizida samarali loyihalarni ishlab chiqish yuzasidan tadbirkorlar va tijorat banklari bilan yanada yaqinroq hamkorlik qilish yuzasidan tegishli topshiriqlar berildi.

Yangiliklar lentasi
0