TOShKENT, 5 apr — Sputnik. Rossiya va O‘zbekiston hukumatlari O‘zbekiston fuqarolarini Rossiyada vaqtinchalik mehnat qilishga uyushgan holda jalb etish bo‘yicha kelishuv imzoladi.
Hujjat O‘zbekiston prezidenti Shavkat Mirziyoyevning Moskvaga davlat tashrifi doirasida imzolandi.
O‘zbekiston va Rossiya hukumatlari shuningdek, birgalikda migratsiya sohasida mutasaddi organlar vakolatxonalarini ta’sis etish bo‘yicha ham kelishuv imzoladi.
Bundan tashqari, tomonlar sog‘liqni saqlash, tibbiy ta’lim va fan sohasida, turizm sohasida o‘zaro hamkorlik bo‘yicha kelishuvlar imzoladilar.
Shuningdek, "YeVROTSEMENT grup" va "O‘zqurilishmateriallar" AJ, "Gazprom eksport" MChJ va "O‘ztransgaz" AK, "Gazprom" OAJ va "O‘zbekneftegaz" MXK, Vneshekonombank va O‘zbekiston tashqi iqtisodiy faoliyat Milliy banklari o‘rtasida hujjatlar imzolandi.
Tashrif doirasida ikki mamlakat bojxona xizmatlari, qator vazirliklar, oliy o‘quv yurtlari, tibbiyot muassasalari, korxona va tashkilotlari o‘zaro hamkorlik to‘g‘risida kelishuv va shartnomalar imzoladi.
