TOShKENT, 6 apr – Sputnik. Ayni damda Toshkentda O‘zbekiston va Tojikiston davlat delegatsiyalari orasida o‘zaro parvozlar amalga oshirish borasida muzokaralar bo‘lib o‘tmoqda.
“Ushbu hujjat ikki mamlakat poytaxti orasida doimiy parvozlar amalga oshirish uchun huquqiy asos yaratishi kerak”, — dedi RIA Novosti muxbiriga delegatsiya vakillaridan biri.
Transport vaziri Sherali Gandjalzoda boshchiligidagi Tojikiston delegatsiyasi tarkibida prezident apparati vakillari, TIV, Adliya vazirligi va boshqa muassasa vakillari bor.
“Muzokara qatnashchilari O‘zbekiston va Tojikiston orasidagi havo aloqasi haqidagi shartnomaning yakuniy ko‘rinishini muhokama qilishmoqda”, — dedi Tojikiston Transport vazirligi vakili.
Eslatib o‘tamiz, 20-fevralda Dushanbedan Toshkentga, 4-apreldan esa, Toshkentdan Dushanbega rejalashtirilgan parvozlar turli sabablarga ko‘ra amalga oshirilmagan edi.
